Ang Pagkapukan: Adan ug Eva

Si Adan ug si Eva nagpuyo sa Tanaman sa Eden—usa ka matahom nga tanaman diin sila dili makasinati og kasakit, kalisdanan, kamatayon, o kalipay. Sila makatagamtam usab sa presensya sa Dios.

Ang Langitnong Amahan misugo nila sa pagbaton og mga anak ug dili mokaon sa bunga “sa kahoy sa kahibalo sa maayo ug daotan.” Si Satanas mitental ni Adan ug ni Eva nga mokaon sa bunga.

Si Eva ug si Adan mipili nga mokaon sa bunga. Sila kinahanglang mobiya sa tanaman ug sa presensya sa Dios, mosinati og kalisdanan, ug sa kataposan mamatay. Apan sila usab mahimong makasinati og kalipay, mosunod sa sugo sa Dios sa pagbaton og mga anak, ug molambo ngadto sa kinabuhing dayon.

Sa sinugdanan, si Adan ug si Eva mitago. Apan sa pagkahibalo mahitungod sa plano sa Langitnong Amahan, nasayran nila nga ang ilang pagpili nagtugot sa mga anak sa Langitnong Amahan nga makaanhi dinhi sa yuta. Ilang nasayran nga ang Langitnong Amahan mopadala ni Jesukristo aron moluwas nila (ug nato) gikan sa atong sala ug kamatayon.