Anavai H.

Litrato pinaagi ni Stéphane Sayeb

Nagdiborsiyo ang akong mga ginikanan, ug makahugno sa kasingkasing kadto nga hitabo nga nakaapekto sa akong batan-on pa nga kasingkasing. Lisod kaayo kadto alang nako tungod kay dili ko gustong magbulag sila, apan nakakita ako og kahupayan nga akong gikinahanglan gikan ni Kristo. Usa kadto ka tinuod nga espituhanong koneksiyon sa kinabuhi!

Atol niadto nga malisod nga mga panahon, akong nakaplagan ang gahom sa mga pulong ni Kristo. Ang mga leksiyon nga akong nadawat gikan sa akong mga ginikanan ug mga lider nakatabang nako nga makapadayon sa pagtutok sa Iyang mga pagtulun-an. Ang ebanghelyo nahimo nga usa ka kasandigan diin ako makakuha og kalig-on—kalig-on nga gikinahanglan aron makahupot sa akong pagtuo bisan sa mga problema sa pamilya.

Karon, padayon akong nagkaplag og hingpit nga kalipay pinaagi sa ebanghelyo ug pinaagi sa mga kasinatian sa templo. Gusto kong magkat-on pa og dugang mahitungod ni Kristo. Gusto nako Siya nga mas mailhan pa ug, labaw sa tanan, makasunod sa Iyang mga lakang. Aduna akoy pagpamatuod nga si Kristo naggiya sa atong mga dalan ug nga Siya motabang kanato aron padayon nga magtutok Kaniya, bisan sa mga pagsulay.