Bag-ong Klase, Bag-ong mga Oportunidad
Mobalhin ngadto sa bag-ong klase o korum? Ania ang pipila ka butang nga mahinamong paaboton!
Mga paghulagway pinaagi ni Cinta Fosch
Ang pagsugod sa bag-ong tuig kanunay nga nagdala og mga kausaban—lakip na ang posible nga paghimo og kausaban ngadto sa lahi nga klase o korum diha sa simbahan! Mobiya ka man sa Primary, mosulod sa Relief Society o korum sa mga elder, o mobalhin lang ngadto sa sunod nga klase sa Young Women o sa korum sa Aaronic nga Pagkapari, ania ang tulo ka butang nga mahinamong paaboton.
1. Bag-ong mga Tawo
Tingali ingon og makahahadlok kini nga anaa sa klase sa mga tawo nga mas magulang nimo, apan mas daghan ang inyong pagkaparehas kaysa imong gihunahuna. Kamong tanan mga disipulo ni Jesukristo kinsa naningkamot sa pagsunod Kaniya. Ang pag-usab sa mga klase usa ka oportunidad sa pagpaminaw sa bag-ong mga ideya gikan sa mga tawo nga adunay lainlaing mga kasinatian kaysa nimo—ug usa ka kahigayonan sa pagbaton og bag-ong mga higala.
2. Bag-ong mga Kalihokan
Ang mga programa sa Young Men ug Young Women makalingaw! Kamo tingali adunay bag-ong mga paagi sa pagpakigsuod sa ubang kabatan-onan, lakip na sa mga kalihokan ug mga kamping sa klase ug sa korum. Sa higayon nga mag-edad ka og 14, ikaw mahimong makaapil usab sa FSY nga mga komperensiya, mga sayaw, ug seminary.
Isip usa ka young adult, makatambong ka sa institute ug sa mga kalihokan nga giplano sa inyong Relief Society, korum sa mga elder, o young single adult sa ward o sa pundokanan nga dapit.
3. Bag-ong nga Pribilihiyo
Samtang magkaedaran ka, ikaw adunay mas daghang oportunidad sa pagserbisyo sa Simbahan, sama sa pagpahigayon og mga bunyag alang sa patay, pagpanalangin sa sakramento, o pagtuman sa usa ka calling (lakip na sa buluhaton sa pagpangalagad). Pahimusli kini nga mga oportunidad alang sa espirituwal nga paglambo ug tagamtama kon sa unsang paagi nga kini nakapalig-on sa imong koneksiyon ngadto sa Langitnong Amahan, ni Jesukristo, ug sa mga tawo nga imong giserbisyohan.
Samtang mobalhin ka ngadto sa bag-ong klase, hinumdomi nga “kamong tanan kang Kristo Jesus” (Mga Taga-Galacia 3:28). Kon imong isentro ang imong kasinatian sa simbahan uban Kaniya, Siya motabang nimo nga makaplagan ang kalipay bisan asa ka.