“Ako dili kaayo segurado mahitungod sa pipila ka mga panghitabo gikan sa Kasaysayan sa Simbahan. Unsay akong buhaton sa akong mga pangutana?

“Hisgoti ang imong mga kabalaka kauban sa usa ka tawo nga imong gisaligan, sama sa usa ka ginikanan o bishop. Kon wala pa gihapon ka makasabot, nan pagtutok na lang sa labing importante ug sa pagkahimong maayo nga disipulo ni Kristo.”

Andrew K., 15, Indiana, USA

“Importante nga hinumdoman nga ang mga palisiya mahimong mausab, apan ang kamatuoran makanunayon.”

Sheridan V., 17, Utah, USA

“Ikaw giawhag nga mangita og mga tubag sa imong mga pangutana pinaagi sa pag-ampo, pagtuon, ug pagpangita og giya gikan sa mga lider sa Simbahan. Dugang pa, ikaw makasiksik sa mga kapanguhaan nga gihatag sa Simbahan, sama sa makasaysayanong mga dokumento, mga pakigpulong, ug mga publikasyon, aron makakuha og mas maayo nga panabot. Importante nga atubangon ang imong mga pangutana nga adunay hugot nga pagtuo ug kamapainubsanon, mosalig nga ikaw makakita og mga tubag nga imong gipangita pinaagi sa sinsero nga pagpangita ug giya gikan sa Dios.”

Jude E., 17, Aba, Nigeria

“Ang pag-ampo mao ang labing maayong paagi aron makahibalo sa eksakto gikan sa sayop. Ang 1 Nephi 10:19 nagtudlo nga kadtong magkugi sa pagpangita makakaplag sa mga misteryo sa Dios. Ang Santiago 1:5 nag-ingon, ‘Kon aduna man kaninyoy nakulangan og kaalam, papangayoa siya sa Dios.’ Pamalandongi kini nga mga bersikulo, ug, sama ni Joseph Smith, makakita ka og mga tubag sa imong sinsero nga mga pag-ampo.”

Kern N., 13, Brazzaville, Republic of the Congo

“Nagsugod ko sa pagkahibalo og dugang mahitungod sa kasaysayan sa Simbahan pinaagi sa pagbasa sa Mga Santos ug sa Revelations in Context. Sa dihang nagsugod ko og basa niini, daghan ko og mga pagduhaduha. Nagsugod usab ako sa pag-ampo pag-ayo ngadto sa Dios, tungod kay ang akong mga ginikanan kanunay nga nagtudlo kanako nga magduhaduha una sa akong mga pagduhaduha sa dili pa sa akong pagtuo. Dili kadto sayon, apan ang nag-unang mga miyembro sa Simbahan mga tawo, ug sila nagsakripisyo ug nagtuo sa buhi nga Dios. Mao nga kita adunay Simbahan karon.“

Elisa L., 17, Santa Catarina, Brazil