Pagpili og Una kang Kristo kaysa mga Headphone

Paghulagway pinaagi ni Katelyn Budge

Kaniadto mag-headphone ko tibuok adlaw, maminaw og musika o Youtube. Ako kining isul-ob samtang nagkaon og panihapon usahay, moinsister sa akong mga ginikanan nga madungog gihapon nako sila. Nakabantay ko sa mga tawo nga nagsul-ob niini atol sa mga kalihokan sa kabatan-onan ug naghunahuna nga tingali kinahanglang buhaton pod nako. Apan sa wala madugay akong nabantayan nga taas na kaayo ang panahon nga akong gigahin sa akong headphone ug phone ug gamay na lang nga panahon sa importanteng mga butang.

Dili ko gusto nga unahon ang akong headphone kay kang Jesukristo. Nasayod ko nga kinahanglan kong mohimo og kausaban. Imbes nga maminaw og bisan unsa lang nga musika sa buntag, naminaw ko og awit sa kabatan-onan nga “Ako Usa ka Disipulo ni Kristo” samtang nagbasa sa akong mga kasulatan. Samtang ang mang-aawit mipamatuod mahitungod ni Kristo, gibati nako nga milambo ang akong pagpamatuod. Nabantayan nako nga mibati ko nga mas malipayon, ug ang akong relasyon ni Kristo mas nalig-on. Ang mga pulong sa kanta kanunay nga nagpabilin nako sa tibuok adlaw, nagpahinumdom kanako nga molihok ug mahimong disipulo ni Kristo.

Bisan og wala gayod nako hingpit nga gihunong ang paggamit sa akong headphone, nagsugod og kaminos ang pagsul-ob nako niini. Pinaagi sa pag-usab sa akong dili maayo nga gawi, nahimo nako nga unahon si Kristo.

Nakahibalo ko nga bisan og ang pag-usab sa usa ka gamay nga butang sama sa dili maayo nga gawi sa paggamit og headphone makapaduol nimo kang Kristo.