Unsa ang Nakatabang Ninyo Kon Kamo Nanglimbasog sa Inyong Pagtan-aw sa Kaugalingon?
Tambag gikan sa Kabatan-onan: 4 ka Butang nga Angayng Mahibaloan, 4 ka Butang nga Angayng Buhaton
Hibaloi:
Ikaw Anak sa Dios
“Hinumdoman ang akong katuyoan, ang akong mahangtorong pagkatawo, ug ang paagi nga ako ania dinhi aron molambo, dili ang pagkahimong hingpit.”
Lily S., edad 18, California, USA
“Hinumdoman nga ako pinalanggang anak nga lalaki sa Dios, ug Siya adunay ipabuhat kanako.”
Emmett C., edad 17, Utah, USA
“Kanunay nakong hinumdoman ang tema sa Young Women: Ako adunay ‘diosnong kinaiya ug mahangtorong padulngan.’”
Jaredy H., edad 16, Nuevo León, Mexico
Ikaw susama sa Hitsura sa Dios
“Ako susama sa hitsura sa Dios. Tanang tawo managsama sa usag usa apan matahom ang pagkamanaglahi.”
Daxton B., edad 15, Utah, USA
“Akong pahinumdoman ang akong kaugalingon nga ako susama sa hitsura sa Dios ug ang mga opinyon sa mga tawo dili mahinungdanon.”
Shilo V., edad 16, Florida, USA
“Tan-aw sa samin ug moingon, ‘Ako anak sa Dios.’ Ako susama sa Iyang panagway.”
Logan P., edad 14, Indiana, USA
Ikaw Gihigugma
“Nasayod nga ang Dios nahigugma nako, ug ang akong lawas usa ka gasa!”
McKayla B., edad 17, Arizona, USA
“Mag-ampo ko sa Dios nga tabangan ko nga mobati sa Iyang gugma alang nako kon ako magkulang sa paghigugma sa akong kaugalingon.”
Brynne B., edad 18, Utah, USA
“Kon ako mobati nga wala gipangga ug walay nagpakabana, nasayod ko nga si Kristo nagpakabana nako ug nagpangga nako.”
Lucy M., edad 17, Arizona, USA
Ang Imong Lawas Matahom ug Talagsaon
“Ang painting nga usa ray kolor, bisan unsa pa kanindot sa kolor, dili kini nindot tan-awon, dili makapainteres. Laing paagi sa akong pagtan-aw niini mao nga ang choir makapuol kaayo kon kitang tanan mga alto ra.”
Elsa P., edad 17, Idaho, USA
“Mapasalamaton ko nga gihatagan ko og makalihok nga lawas nga makapahimo nako sa paglambo ug sa pagbaton og mga kasinatian.”
Aleksia C., edad 23, Tirana, Albania
Buhaton:
Mokanta/Maminaw sa Musika
“Magkanta og ‘Ako Anak sa Dios’ o ubang mga kanta nga mopahinumdom nako sa akong mahangtorong bili.”
Anneliese C., edad 16, Oregon, USA
“Ang kanta sa kabatan-onan nga ‘Beloved’ gikan sa Strive to Be.”
Halle M., edad 16, Indiana, USA
“Paghinumdom kang Jesus pinaagi sa musika sa kabatan-onan—ilabi na ang ‘Divine.’”
Wellie S., edad 16, Luanda, Angola
Moserbisyo
“Dili kaayo motutok sa akong kaugalingon ug mangalagad ngadto sa uban.”
Rebekah C., 16, Ohio, USA
“Moserbisyo ug mobayaw sa mga tawo sa akong palibot!”
Ellie B., edad 19, Utah, USA
Magmabination sa Imong Kaugalingon
“Naningkamot ko sa pagtutok sa akong mga kalig-on nga anaa nako ug sa unsay akong nabuntog sa kinabuhi, ilabi na pinaagi kang Kristo.”
RJ E., edad 17, North Carolina, USA
“Akong gakson ang akong kaugalingon.”
Carli B., edad 17, Idaho, USA
“Tan-awa ang imong kaugalingon sa samin ug moingon, ‘Kon si Jesus makahigugma nako, nan ako usab makahigugma nako!’”
Clarissa U., edad 17, Arizona, USA
Modangop ngadto sa Uban
“Sa higayon nga maghunahuna ko sa mga tawo nga nahigugma nako.”
Clara L., age 14, Québec, Canada
“Adunay mga higala nga motabang nako ug modasig nako.”
Haven G., edad 15, Utah, USA