Angie O.

Litrato pinaagi ni Carolina Triana

Pipila sa mga sakop sa akong kaparyentehan dili mga miyembro sa Ang Simbahan ni Jesukristo sa mga Santos sa Ulahing mga Adlaw. Kaniadto pirmi silang mibisita, ug sila adunay daghang pangutana mahitungod sa mga butang nga among gihimo. Misulay pa gani sila sa pagsukwahi ug pagsupak kon unsa ang among gituohan.

Usahay komplikado gayod kadto, tungod kay dili ko makakita og mga pulong nga ikapasabot sa akong mga gituohan. Apan ako nasayod nga kon ako mosulay sa pag-angkon og kahibalo, ang Espiritu motabang kanako nga masayod kon unsa ang buhaton.

Bisan karon, ang mga tawo usahay mangutana og mga butang sama sa, “Nganong mobuhat man ka niini? Nganong mosulti man mo niini?” Sila mangutana og daghan nako kon maghisgot ko mahitungod sa akong pagpamatuod. Usahay ako mobati og kahadlok ug maghunahuna, “Unsa ang ilang isulti? Unsa man ang ilang hunahunaon kanako?” o “Sila maghunahuna nga naboang nako.”

Apan ako nasayod nga ang akong pagpamatuod lig-on. Kon ipakigbahin gayod nako ang unsay akong nahibaloan, makapadayon ko sa unahan. Kon akong hupayon ang akong mga kahadlok ug gawasnon nga mosulti mahitungod sa unsay akong gibati ug unsay akong nahibaloan nga maayo, ako mouswag ug molambo.

Ang Langitnong Amahan nahigugma kanato. Siya makatabang kanato nga mopakigbahin sa ebanghelyo ug modala og dugang pang mga tawo ngadto ni Jesukristo.