Unsaon Man Kaha Kon Gibati Nako nga Nakahimo Ko og Daghan Kaayo nga Sayop?

Adunay panahon sa akong kinabuhi nga gibati nakong naulaw ug sad-an. Naghunahuna ko nga ang Langitnong Amahan ug si Jesukristo dili makapasaylo sa akong mga sayop o sa daghang higayon nga gipakyas nako Sila. Daw gibati nako nga dili na ko mapasaylo. Apan ang pagluhod ug paglitok og pag-ampo nakatabang nako nga mobati sa Balaang Espiritu.

Ang pagtan-aw ngadto ni Kristo nakatabang nako tungod kay nakahibalo ko nga sa kanunay ako adunay usa ka tawo nga maminaw kanako ug mosuporta nako nga makahimo sa labing maayo nga desisyon.

Makatabang ko sa uban nga motan-aw ngadto ni Kristo pinaagi sa pagpakigbahin sa akong pagpamatuod, nga mao kini: Bisan kon kita makasala ug makahimo og mga sayop, ang Manluluwas kanunay nga maanaa alang kanato aron motabang kanato nga tinud-anay nga maghinulsol ug dili mokondenar kanato.