Mga Yawe ngadto sa Hingpit nga Kalipay

Ang Alang sa Kalig-on sa mga Kabatan-onan: Usa ka Giya sa Paghimo og mga Pagpili nagdapit kanato sa pagkaplag og hingpit nga kalipay diha ni Jesukristo ([2022], 34). Miingon ang Manluluwas, “Gisultihan ko kamo niini, … aron mahingpit ang inyong kalipay” (Juan 15:11). Apan unsa ang mga butang nga Iyang gisulti? “Ako ang punoan sa paras, ug kamo ang mga sanga: Ang magpabilin kanako, ug ako diha kaniya, mamungag daghan” (Juan 15:5). Kita kinahanglan nga mokonektar ni Kristo aron makapamunga og hingpit nga kalipay. Buhaton nato kana pinaagi sa mga pakigsaad. (Tan-awa sa pahina 2 niini nga isyu.)

Dili kita makaistorya mahitungod sa hingpit nga kalipay nga dili usab maghisgot mahitungod sa atong mga lawas, tungod kay kini ang yawe aron makadawat og “usa ka kahingpitan sa kalipay” (Doktrina ug mga Pakigsaad 138:17). Mao seguro nga ang giya nag-ingon, “Ang inyong lawas balaan” (22). Si Satanas mahimong mosulay sa pagsulti kanimo nga ang imong lawas bati, apan kana tungod kay siya dili gayod makabaton og sama niini. Ayaw siya paminawa. (Tan-awa sa mga pahina 8, 14, 22, ug 27 niini nga isyu.)

Samtang kamo mokonektar ni Kristo ug “itratar ang inyong lawas—ug ang mga lawas sa ubang tawo—uban sa pagrespeto” (Alang sa Kalig-on sa mga Kabatan-onan nga giya, 24), kamo makakaplag og hingpit nga kalipay.