Pangita og mga Paagi nga Makaserbisyo

Paghulagway pinaagi ni Katelyn Budge

Adunay usa ka tigulang nga lalaki sa among ward nga adunay kakulian sa panan-aw ug dili makaadto sa simbahan. Siya suod nga higala sa akong papa, ug gibati nako nga giaghat nga motabang kaniya.

Usa sa akong mga higala ug ako nakakuha og pagtugot gikan sa among bishop nga dad-on ang sakramento ngadto kaniya matag Dominggo. Samtang gibuhat nako kana, akong namatngonan nga usahay nagkinahanglan siya og usa ka tawo nga moplantsa sa iyang sinina. Dayon akong namatngonan nga dili siya makabuhat sa Dali, Sunod Kanako o makabasa sa Basahon ni Mormon, mao nga akong gibasa og kusog ngadto kaniya.

Samtang mas naningkamot ko nga makabantay sa mga paagi nga makaserbisyo, mas nakakita ko og mga butang nga akong mabuhat aron makahimo og kalainan. Kining tawhana mibalhin na karon aron makauban ang iyang mga anak nga babaye, apan mibati ko og kalinaw sa dihang miserbisyo ko niya.

Sa dihang si Kristo mianhi sa kalibotan, Siya mianhi aron moserbisyo. Nakahibalo ko nga pinaagi sa pagserbisyo niining tawhana, mas nagpaduol ko sa Manluluwas.