“Paska manerana izao tontolo izao,” Namana, Mar. 2026, 28–29.
Paska manerana izao tontolo izao
Fantaro ireo fomba amam-panao any amin’ny firenena samihafa mba hanampiana anao hahatsiaro ny Mpamonjy.
Arménie
Eto ireo atodin’ny Paska dia nolokoina mena toy ny ràn’i Jesoa Kristy. Rehefa Paska dia miteny ny olona hoe: “Efa nitsangana tamin’ny maty i Kristy! Ho deraina anie ny Fitsanganan’i Kristy tamin’ny maty!” Avy eo dia samy miara-mamaky atody izy ireo.
Ghana
Maro ireo olona mitafy akanjo fotsy amin’ny alahadin’ny Paska ho fankalazana ny Fitsanganan’i Jesoa Kristy tamin’ny maty sy ny fandreseny ny fahafatesana.
Goatemalà
Amin’ny vaninandro Paska dia rakofana karipetra maro loko vita amin’ny taimbakona sy voninkazo ireo arabe. Ireo karipetra ireo dia ahitana kisary kanto ary amin’ny endrika tsara tarehy. Ny sasany dia ahitana sarin’ny Mpamonjy.
Alemàna
Ny Zoma Masina dia andro “fety mangina” misy fandraràna ny tabataba sy ny hetsika ampahibemaso. Izany dia ahafahan’ny olona ho tony sy hisaintsaina ny zavatra nataon’i Jesoa Kristy ho azy ireo.
Peroa
Maro ireo fianakaviana no manao fisakafoanana ahitana lovia 12 misy hanina amin’ny Alakamisy sy Zoma masina mialohan’ny Paska. Io fiaraha-misakafo io dia maneho ny Fanasana Farany izay noraisin’i Jesoa Kristy niaraka tamin’ireo Apôstôly Roambinifolo.
Filipina
Amin’ny alahadin’ny Sampan-kazo dia mandrary ravinkazo ny olona ka manome endriny kanto. Izany dia manampy azy ireo hahatsiaro ny fomba nandraisan’ny vahoaka tao Jerosalema an’i Jesoa Kristy tamin’ny sampan-drofia mandritra ny Herinandro Masina.
Sary nataon’i Flavio Remontti. Azo adika raha ampiasaina ao am-piangonana irery ihany.