Ekkal Ioon Aō Ejm̧aan: Juon Ennaan n̄an Baam̧ļe ko

Jokwe ilo ioļapļap in Avarua, ioon āne eo an Rarotonga ilo Cook Islands, ej jutak juon kakōļļe elur ak ekajoor—juon dekā ekilmeej im eļap ej pād inam̧ōj in district opiij ko. Rainin, em̧ōj unoik kōn mouj, ej wōnm̧aanļo̧k wōt n̄an leļo̧k kūr eo an Rilo̧mo̧o̧r:

“Ekkal ioon aō ejm̧aan, eo ej gospel eo aō” (Katak im Bujen Ko 11:24).

Elōn̄ļo̧k jān juon ennaan ilo dekā in—ej juon kūr emour jān Jisōs Kraist n̄an emjake mour ko ad, im̧ōko im̧ōd, im baam̧le ko ad ioon gospel eo An.

Hilamōn ekar karuwaineneik im kallim̧uri ļōm̧aro nejin: “Im kiiō, ro nejū m̧aan, keememej bwe ej ioon ejm̧aan in ad Ripinmuur eo ej Kraist, eo Nejin Anij, bwe kom̧ij aikuj kalōk pedped ko ami; . . . eo ej pedped em̧ool, pedped eo eļan̄n̄e armej ej ekkal ioon rejamin bun̄” (Hilamōn 5:12).

Kōn menin ekōjkan ad ekkal ioon Jisōs Kraist āinwōt ad Ejm̧aan?

Kapilōk eo an Alma n̄an ļeo nejin Hilamōn ej letok juon pedped in katak n̄an indeeo: . . . a lo ij ba n̄an eok, bwe jān men ko reddik im reļam waan men ko reļļap rej kūrm̧ool” (Alma 37:6).

Būreejtōn M. Russell Ballard ekar kalikkarļo̧k m̧ool in: “Kajoor in jetōb eo em̧ool ej pād ilo oran jerbal ko reddik rej pidōki ippān doon ilo juon ed in kajin̄en̄eikļo̧k an jetōb.”

N̄an kajjojo armej im baam̧ļe ko, “men ko reddik im reļam waan” rej waļo̧k ilo aolepān jeje ko rekwojarjar im katak ko reim̧we an rikanaan ro remour. Naan ko aer rej naan ko An n̄an tōre in ad, kar litok jān Jetōb Kwojarjar eo n̄an kōmeļeļeik jim̧or bōro im ļōmņak. N̄e jej ron̄jake im eo̧ron̄ kōn tōmak, katakin kein rej letok alikkar, kaenōm̧m̧an, im tōl. Rej jipan̄ kōj kalōk m̧ōko im̧ōd pedped ioon aenōm̧m̧an, jibadbad, im bujen in uwaan.

Ļōmņak kōn ļōmņak kein an rikanaan me rej kūr kōj n̄an emjake mour ko ad ilo pedped in katak ko indeeo:

• “Kaenōm̧m̧an ej ijjino ilo jikin eo ettā tata—ilo būruōd. Innām ilo m̧ōko im baam̧le ko ad.”

• “Jemādwōj Ilan̄ ekar letok kean̄ in kōn baam̧le n̄an jipan̄ tōl kōj n̄an kapijuknen Ippān, n̄an jipan̄ kōj katak im obrak kōn iakwe, kajoor, jibadbad, im meļeļe eo n̄an indeeo.”

• “Elōn̄ bujen ko rej pojak n̄an kajjojo armej. Juon bujen, m̧are n̄an indeeo, ekitbuuj kobaik kijejeto ko am̧ ippān kōm̧pānien. Kōttōbar eo ad ej aikuj in pukot kōm̧pānien eo ad n̄an indeeo. Kōn menin, jab ebbeer eļan̄n̄e m̧are n̄an indeeo ejjab maron̄ tōprak ilo iien in. Rikanaan ro rekar katakin bwe ejjeļo̧k kōjeraam̧m̧an naaj maron̄ bōke jān membōr ro retiljek ro rej kōjparok kien ko ”

• “Kwōn kijenmej ilo an Irooj lewaj n̄an eok An kōjeraam̧m̧an im kōmālim jidik-ilo̧k-jidik.”

• “Kōjeraam̧m̧an ko reļļap rej itok n̄an baam̧le ko eļan̄n̄e rej jar ippān doon, bukwelōlō bon̄ im jibbon̄ n̄an leļo̧k kam̧m̧oolol kōn kōjeraam̧m̧an ko im jar kōn inepata ko. Baam̧le ko rej barāinwōt jeraam̧m̧an ilo aer kabun̄ jar ippān doon ilo iien jar ko im ilo iien nokon ko jet. Kadkad ko baam̧le rej barāinwōt kajoorļo̧k kōn bwebwenato ko an baamļe, ejaaki imminene an baam̧le, im kwaļo̧k en̄jake ko rekwojarjar.”

• Elōn̄ļo̧k jān jiln̄uul iiō ko remootļo̧k rikanaan ro raar kean̄ bwe: “Lem̧ōņōņō ilo mour in baam̧le ej waļo̧k tōprak n̄e raar ijjino ioon pedped ko an Irooj Jisōs Kraist. M̧are ko reppen aer rub im baam̧le ko rej ejaak wōt ioon pedped ko an tōmak, jar, ukweļo̧k, jeorļok bōd, kautiej, io̧kwe, jeļā ņae doon, jerbal, im m̧akūtkūt ko rem̧m̧an n̄an kōkm̧anm̧anļok doon.”

Men kein rejjab baj po lōmān wōt—rej kein ekkal ilo jetōb n̄an aolep em̧. Kwomaron̄ juon jodikdik arto artake jikuuļ im jemjerā ko, juon membōr ejjeļo̧k rejtan ej pukot juon m̧ōttan indeeo, ak juon jinen ak jemen ej tōl baam̧le eo an ilo kapokpok ko an mour in. Jekdo̧o̧n ta jekjek in baamle eo am̧ ak bwebwenato en an, gospel eo an Jisōs Kraist ej letok juon wāween eutiejļo̧k im kwojarjarļo̧k n̄an mour—wāween eo An. E ej kakeememej kōj:

“N̄a iaļ eo, im m̧ool eo, im mour. eo” (Jon 14:6).

Jisōs Kraist emour. E ej ad Rilo̧mo̧o̧r im Ripinmuur. E ej kūr n̄an kajjojo iaad n̄an kalōk mour ko ad Ioon. Jen kōkajoorļo̧k mour ko ad, baam̧le ko ad, im kajjojo—juon jerbal edik im ļam waan ilo juon iien.