Liaona
20 Ļōmņak ko n̄an Season in Ijtō eo Am̧
M̧aaj 2026 Liaona

“20 Ļōmņak ko n̄an Season in Ijtō eo Am̧,” Liaona, Maaj. 2026.

20 Ļōmņak ko n̄an Season in Ijtō eo Am̧

Jān Kimmy Badal

Māākijiin ko an Kabun̄ in.

Jen men eo jejeļā n̄an men eo ekāāl, elōn̄ wāween ko n̄an ejaake imminene ko rej pedped wōt ioon Kraist.

elōn̄ aitōm̧ ko rej iookļo̧k Ijtō

Kōmeļeļe ko jān Christina McMaster

Ilo kōnono eo an ilo Eprōļ 2023 kweilo̧k eo eļap, Elder Gary E. Stevenson jān Doulul eo an Jon̄oulruo Rijilōk ro ekar kajjitōk, “Ekōjkan ad waanjon̄ak kōn katak eo im ad kakeememej Jerkakpeje eo an Jisōs Kraist, bwebwenato in Ijtō kōn ejja jon̄an eo, tarlep in, im imminene in tōmak eo eaorōk kōn ļotak eo an Jisōs Kraist, bwebwenato in Kūrijim̧ōj??”

Membōr ro peļaakin laļ kiiō rej pedped eļapļo̧k kōn season eo an Ijtō eo. Erkein rej 20 m̧akūtkūt ko repidodo kōm̧m̧ani, n̄an kōkōm̧anm̧anļo̧k im kōdbakbakļo̧k Ijtō eo n̄an kajjojo armej, kūrub ko, im jarlepju ko.

Ļōmņak ko an Kajjojo Armej im Baam̧le

  1. Kōm̧m̧ane juon jeen peba elōn̄ eoon ko ak kout ko rej pedped wōt ioon Kraist im kejōkļo̧kjeņ kōn juon iaer kajjojo jibbon̄ ilo allōn̄ eo kōttōbrakļo̧k Ijtō eo.

  2. Mweiuk ko remaron̄ kōkkaļļeen jekjek ko roktak an m̧akūtkūt ko an Ijtō eo ilo jeje ko rekwojarjar. N̄an waanjon̄ak, jet armej rej kōttālo̧k limakaak ko rekkārere kōļar ko aer n̄an kakeememej an Kraist jerkak jān lōb eo. Kappukote men ko me rej kakeememej eok kōn Rilo̧mo̧o̧r ilo season an holiday eo.

  3. Kōm̧m̧an kaat in ijtō ko remaron̄ kōm̧m̧ane juon wāween n̄an kwaļo̧k kōn meram eo an Kraist. Ļōmņak in būkiļo̧k kōm̧anm̧an kein n̄an ro m̧ōttami ak rūttūrmi n̄an am̧ jerbal in karejar n̄an er.

  4. Rikaļoor ro an Kraist rekar kōjerbal kein toļaj ko n̄an kautiej E ilo iien kallib eo An (lale Jon 19:39–40). Kōjerbal kāāre ko ilo m̧ōn̄ā in Ijtō eo emaron̄ tōl ļōmņak ko am̧ n̄an iien ko rekwojarjar.

  5. Kraist ekar mour jerbal n̄an ro jet, im jemaron̄ keememej E ilo Ijtō in jen kōm̧m̧an ejja āinwōt in. Kōm̧m̧an bwe kajjojo membōr ilo baam̧le eo rej kāālet e juon āt im joļo̧k iien ilo Wiik eo Ekwojarjar kōm̧m̧an jerbal in jipan̄ n̄an armej eo ilo ittino.

  6. Jet armej rej kōjerbal ra in wōjke olive eo im olive weil āinwōt juon kakeememej in aenōm̧m̧an im katok in pinmuur eo an Kraist. Membōr in Kabun̄ in remaron̄ in ļōmņak kobaiktok m̧ōņakjeņ kein ilo kainōknōk ko ak m̧ōn̄ā ko n̄an kejōkļo̧kjeņ kōn aenōm̧m̧an eo Rilo̧mo̧o̧r ej letok.

  7. Jejjo unin kōnono jen Ijtō eļapļo̧k aer aorōk, im bōk iien ilo Wiik eo Ekwojarjar n̄an katak kaki im kejōkļo̧kjeņ ej juon wāween n̄an keememej m̧ōttan kein.

  8. Ijtō ej juon kōjeraam̧m̧an in kam̧m̧oolol kōn aolep men ko Jisōs Kraist ekar kōm̧m̧ani n̄an kōj. Kōm̧m̧an ad iien ilo aolepān season in n̄an kobrak juon jikin ilo m̧weo ak kōddāb pija ie kōn wāween ko kwoj kam̧m̧oolol kōn Rilo̧mo̧o̧r.

  9. Ilo jet jikin ilo laļ in, Ijtō ej kōjeraam̧m̧an ilo juon iien kōn juon mour ekāāl, bwe season eo make en jerbal āinwōt juon kakeememej eo kwoj loe kōn Jerkakpeje eo an Kraist. Pukot jikin eo n̄an etetal ie ewōr mennin kōm̧anm̧an ko ie im kautiej kōkkaļļe eo an.

  10. Ļaam sip eo ej juon m̧ōn̄ā ilo imminene in Ijtō eo ej kōkkaļļeen Jisōs Kraist Ļaam̧ an Anij, kakūrm̧ool Kōjota in Kijone eo ej kwaļo̧k anjo̧ jen katok (lale Exodus 12; Jon 1:29). Leļo̧k ļaam̧ ej juon wāween eo baam̧le ko remaron̄ keememej eddo eo an Rilo̧mo̧o̧r ilo an kar kaanjo̧ik kōj jen jerawiwi kōn Pinmuur eo An.

camera, note in al ko, aitōm̧ ko jet

Ļōmņak ko n̄an Ward im Stake ko

  1. Jitlo̧k im jar rej kein jipan̄ ko relukkuun kajoor ilo kobaik kōj ippān Kraist. Ļōmņak in jikejuuļi juon jitlo̧k an ward ilo iien Wiik eo Ekwojarjar kōn juon m̧akūtkūt eo me enej em̧m̧an n̄an jukjukinpād eo.

  2. Ilo Kūrijm̧ōj, armej ro em̧m̧an ipper tieta kōn iien Ļōtak eo an Kraist. Ilo kautiej, jejjab m̧akūtkūt ekkar n̄an m̧akūtkūt ko jen Ijtō, ak ward ko remaron̄ kōm̧m̧ane nokon ko me renej kwaļo̧k katak ko an Rilo̧mo̧o̧r jen Wiik eo Ekwojarjar im ekōnono kōn meļeļe ko an pija kein.

  3. Kōnke Jerkakpeje eo an Kraist, Ijtō ej juon iien kōkāāl. Ejaake juon kūrub n̄an karreo m̧weo im̧ōn juon armej ak yard emaron̄ erom̧ juon kakeememej ejipan̄ kōn juon unin kōnono.

  4. Ilo jet jikin ilo laļ in, wōjke ko rej tili ilo iien Ijtō n̄an kwaļo̧k kōkkaļļeen an meram anjo̧ jen maroklep. Tile juon kijeek ak kāāntōļ emaron̄ bōk jikin Rilo̧mo̧o̧r āinwōt Meram eo an Laļ eo ekar anjo̧ jen mej im jerawiwi.

  5. Āinwōt m̧ōttan wōt juon katak, kwaļo̧k lyric ko an al in Ijtō ko. Ekōnono kōn katak ko im naan in kam̧ool ilo kajjojo eoon.

  6. Karuwaineneik membōr n̄an kwaļo̧k jin̄a an pija ak pija eo me ej erromeļo̧k unin kōnono ko an Ijtō.

  7. Jisōs ebooļ etan im taitōļ ko an, im kajjojo iaer ej kwaļo̧k juon men oktak kake kadkad eo An. Itok ippān doon āinwōt juon ward n̄an kōm̧m̧ane juon jin̄a in pija ej kwaļo̧k kōn er emaron̄ erom̧ juon wāween eļap n̄an mijōk wōt jekjek ko roktak an Kraist kōn Ijtō.

  8. Ļōmņak in kōm̧m̧ane juon imminene in kabun̄jar jen al, kōjerbal jeje ko rekwojarjar im al ko n̄an kejōkļo̧kjeņ kōn katok im iakwe eo an Rilo̧mo̧o̧r. Juon ward ak stake emaron̄ aiintok doon n̄an ekkatak im kōjerbal al in Ijtō ko im kwaļo̧k eoon ko rej iookļo̧k Ijtō.

  9. Kōn Jisōs Kraist, baam̧le ko remaron̄ n̄an indeeo. Karōke juon m̧akūtkūt an menmenbwij an baam̧le ak tūreep in tampeļ eo emaron̄ kakeememej membōr ro kōn pedped in katak in ilo Ijtō.

  10. Jin̄a kōn jo̧o̧k ej juon m̧akūtkūt ekalimomo n̄an aolep iiō ko, im juon m̧akūtkūt in jin̄a kōn jo̧o̧k an kajjojo kabun̄ emaron̄ in erom̧ juon wāween n̄an kwaļo̧k im bōk naan in kam̧ool kōn Jisōs.