“Māj ko n̄an Lo Em̧m̧an,” Liaona, M̧aaj 2026.
Ainikien Armej ro Rekwojarjar ilo Raan Ko Āliktata
Māj ko n̄an Lo Em̧m̧an
Ke erreim̧aanļo̧k eo an lio pāleen rijeje eo ekar dikļo̧k, erro kar oktakļo̧k n̄an Pinmuur eo an Jisōs Kraist kōn kōmour.
Pija jān Briana Kranz
Ilo Jānwōde 2025 eo, lio pāleō, Kayla, ekar jino jorraanļo̧k erreim̧anļo̧k eo an. Liin ekar jab bōjrak an metak bōran im metak ilo mejān ituanmiin̄. Liin ekar jab kanooj em̧m̧an an loe, im kōm kar jino inepata.
Ke kōm kar etal ippān juon takto in māj, ļein eaar lo ke mejān tuanmiin̄ ekar high pressure. Ekar leļo̧k kōmro n̄an juon taktō in māj n̄an kappok glaucoma. Erreim̧aanļo̧k eo an Kayla ekar pād lo kauwōtata. Kōm kar kūrļo̧k jet taktō, bōtaab elōn̄ opiij ko raar kilōk wōt kōnke n̄an holiday ko. Men eo de eo kōm maron̄ kōm̧m̧ane, ej kōttar wōt.
Inepata ekar kanooj juļ ilo ļōmņak ko am. Kōm kar oktakļo̧k n̄an Jemedwōj Ilan̄ ilo jar kōn jipan̄, akweļap bwe aolep men ren ekkar n̄an karōk eo An. Kōm ka jan̄nuwaade rejtak, im kōm kar en̄jake iakwe eo An. Kōm kar jeļā bwe aolep men renaaj kar oktak im em̧m̧an.
Āliktata, ekar wōr juon am iien taktō emān raan ippān juon specialist eo ekkā an obrak list in etan ro rej kōttar ium̧win elōn̄ allōn̄ aitok. Taktō in māj eo ekar lo bwe aaer eo ilo mejān Kayla ekar jino m̧ōjņo̧ļo̧k. Ekar leļo̧k n̄an e jet kappilpil in māj ko, im kōm kar rool.
Ekar jab em̧m̧anļo̧k kōn mejān lio pāleō, bōtaab kōm kar katak n̄an lo em̧m̧an eo kōn oktakļo̧k n̄an Pinmuur eo an Jisōs Kraist. Rilo̧mo̧o̧r eo ej jipan̄ n̄an em̧m̧an im lem̧ōņōņō jekdo̧o̧n mālijjon̄ ko. Jejeļā bwe E emaron̄ kemour kōj ilo iien eo An make im ilo wāween eo An make.
Jisōs Kraist ekar jab baj kōļļāik wōt jerawiwi ko—E ekar barāinwōt en̄taan kōn aolep “metak ko im kaen̄taanaan … aolep men otejeļo̧k; … bwe būruōn ren maron̄ obrak kōn tūriam̧o, ekkar n̄an kanniōk, bwe En maron̄ jeļā ekkar n̄an kanniōk ekōjkan jipan̄ armej ro An ekkar n̄an m̧ōjņo̧ ko aer.” (Alma 7:11–12).
Kōm kar en̄jake kaenōm̧m̧an kōnke kōm kar jeļā bwe Jisōs Kraist ekar meļeļe kōn būrom̧ōj ko ad. Kōnke kōm kar lukwōj kōm n̄an E, jej loe “[ad] kakkije ippān” (lale Matu 11:28–30).
Būreejtōn Camille N. Johnson, Būreejtōn eo Eutiej an Kōrā , ekar katakin:
“Jisōs Kraist emaron̄ kōmeraikļo̧k eddo eo ad
“Jisōs Kraist emaron̄ ļōn̄aj eddo ko ad. …