Kijoone Eo im Ijtō
Lale ekōjkan an m̧ōttan ko an Kijoone eo maron̄ jitōn̄ļo̧k kōj n̄an pinmuur in en̄taan eo an Jisōs Kraist im bujen ko ad ippān Anij.
Kijoone eo ej keememe an Irooj kadiwōjļo̧k armej in Israel ro jān kakkure eo an n̄ūta eo āliktata ilo Egypt. Jān Moses, Irooj ekar jiron̄ er n̄an kōm̧m̧ani m̧akūtkūt in katok ko bwe enjeļ in kakure ro ren etal kejoon er im kōtļo̧k manje ro nejier. Innām Irooj ekar kadiwōjļo̧k er jān kōm̧akoko eo im kar jilkinļo̧k er n̄an ānen kallim̧ur. (Lale Exodus 12.
M̧ōttan ko wōj an Kijoone eo rej jutak kōn pinmuur in en̄taan eo an Jisōs Kraist kōn jerawiwi ko ad, barāinwōt bujen ko ad ippān Anij.
Lamb
Juon lamb kom̧aan juon iiō detttan ejjeļo̧k an libbijinjin
Kar m̧ane innām um̧wini kōn kijeek, edipio—ejjeļo̧k di rōbwilo̧k im bar eo, ne ko im m̧ōttan ko ilowa rej ekkejel wōt. Kar aikujin kan̄e ilo bon̄ōn Kijoone eo, ejjeļo̧k bwe en en pād n̄an jibbon̄. Eļan̄n̄e ewōr jabdewōt bwen, kar aikuj in tili.
Maron̄ meļeļe in: Jisōs Kraist āinwōt katok ejjab jeraiwiw n̄an jerawiwi ko; em̧m̧an eo an itok n̄an E ej jum̧we meeo̧ eo an jerawiwi; aolepān wūjlepļo̧k eo an Kraist n̄an mijen eo An; wūjlepļo̧k eo kar aikuji jān ro me raar kōm̧m̧ani bujen ko ippān Anij.
Bōtōktōk ioon Aļaļ in Kōjām eo im Joor ko
Hissop (juon kūm̧ur kar kōjerbale tokālik ilo iien karreo ko) kar katulo̧ke ilo booļ in bōtōktōk eo jān lamb eo, innām bōtōktōk eo kar likūti ioon aļaļ eo ioon kōjām eo im joor ko an kōjām eo.
Maron̄ meļeļe in: Juon kakōļļe ej kwaļo̧k kadkad in armej in bujen ro an Anij; karreoik kōn bōtōktōk in Jisōs Kraist, eo ekar to̧o̧rļo̧k n̄an pinmuur kōn jeraiwiw ko ad.
Pilawe ejjab Kauwe
Pilawe eo kar iiōke ejjeļo̧k iij ak kein kauwe ko jet, remaron̄ kar itok jān emmer wheat, barley, ak sorghum in Egypt eo etto. Kauwe eo ej kōm̧m̧an bwe pilawe eo en pidodo bōtaab barāinwōt ļapļo̧k an rum̧win an jorrāān. Barāinwōt, pilawe eo kauweik aikuj iien n̄an jūb lōn̄tak, kōn menin ebōk ien n̄an iiōke.
Kar kan̄e ium̧win jimjuon raan ko. Kauwe (eo kar kakōļļein nana) kar aikuj in kōm̧akūtiļo̧k jān kajjojo em̧ ilo iien in (lale Exodus 12:19).
Maron̄ meļeļe eo an: Erreo; m̧ōkaj in aer ko jān kōm̧akoko; Kraist āinwōt Pilawe in Mour (lale 1 Korint 5:7).
Bōlōk (herb) ko remeo̧
ekar kitbuuj watercress, radishes, endive, horseradish, im bōlen bōlōk (herb) ko jet me emeo̧ nemeer.
Kar m̧ōn̄ā ippān lamb eo.
Maron̄ meļeļe in: Meo̧ eo an kōm̧akoko eo ilo Egypt; meo̧ eo an kōm̧akoko n̄an jerawiwi; meo̧ eo an en̄taan eo an Kraist kōn jerawiwi ko ad.
Kan̄ūri Ip, Juuj ioon Ne, Jokoņ ilo Pā, Jutak im M̧ōn̄ā
Maron̄ meļeļe in: Pojak n̄an kair jān kōm̧akoko; ikdeelel eo n̄an anemkwoj jān jerawiwi.