“Joseph jān Arimathea: Ikdeleel ko Rewānōk im Kabwilōn̄lōn̄ ko an Anij,” Liaona, Maaj. 2026.
Rekar Jeļā kōn Rilo̧mo̧o̧r
Joseph jān Arimathea: Ikdeleel ko Rewānōk im Kabwilōn̄lōn̄ ko an Anij
Wōn eo kar Josep in Arunathea, im ta eo jemaron̄ ekkatak jen eddo eo an ilo bwebwenato in Ijtō eo?
Kōmeļeļe jān Laura Serra, jab maron̄ kapeiki
Josep in Arunathea ekar kōm̧m̧ane juon m̧ōttan eaorōk ilo tōl Ijtō eo, jipan̄ Irooj ilo An kar bōk anjo̧ eo eļaptata ilo bwebwenato in armej. Ke Jisōs Kraist ekar dōbwāāl, Josep “peran in deḷọn̄ n̄an ippān Pailat, im kajjitōk kōn ubōn Jisōs” (Mark 15:43). Ālkin an lōn̄ ro jet rekar joloke Irooj ilo awa eo An āliktata, ta eo ekar tōl Josep n̄an pād wōt im bōk m̧ōttan juon iien aorōk ilo an Rilo̧mo̧o̧r en̄taan?
An m̧ool emaron̄ āinwōt jab jejjet n̄an kadkad eo an āinwōt juon rim̧weie rikakpilōklōk ilo Sanhedrin, Rijew ro rekar koba im ejaak in Ripharisees i Risadducees me rej liaakeļo̧k n̄an jorrāān Kraist n̄an mej (lale Matu 27:1, 57). Ālkin menin, Joseph ekar dāpij rikaļoor in Kraist eo an ilo ittiņo̧ “bwe e mijak ri Ju ro” (Jon 19:38).
Im wōt, ilo jem̧ļo̧kin, wūjlepļo̧k eo an ekar alikkar. E “in ear jab bōk n̄an būrueir ilo aer pepe im kōṃṃan” ro rekar kappukot mour an Rilo̧mo̧o̧r (lale Luk 23:50–51). Im ālkin an kar Rilo̧mo̧o̧r mej, Josep ekar kitimi ānbwinnin Maajta eo kōn nuknuk im likūt ilo lōb eo an ekāāl (lale Matu 27:59–60; Luk 23:52–53). En̄in kar kūrm̧ool in kanaan eo bwe lōb eo an Kraist enaaj pād ippān rim̧weie eo (lale Aiseia 53:9).
E Emōj an Jerkakpeje
Ilo leļo̧k lōb in an n̄an kallb eo an Rilo̧mo̧o̧r, Josep in Arunathea ekar jipan̄ kakūrm̧ool kanaan eo im kōpooje juon wāween n̄an an kabwilōn̄lōn̄ eo kam̧ool Jerkakpeje eo an Jisōs Kraist. Ilo raan eo kein kajilu ālkin Dōbwāāl eo, rikaļoor ro an Kraist rekar loe lōb eo ejjeļo̧k kobban im juon ainikien enjeļ ekar kwaļo̧k, “Ejako ijin, bwe em̧ōj an jerkak” (Matu 28:6).
“Jerkakpeje eo an Jisōs Kraist ej kwaļo̧k kam̧ool kōn kwojarjar eo An im bwe Ekar anjo̧ jān men otemjej,” Elder D. Todd Christofferson ekar katakin jān Doulul eo an Jon̄oulruo Rijilōk ro. Jerkakpeje eo an ej kam̧ool bwe, lukwoj kōj n̄an E kōn bujen, bar kōj jemaron̄ anjo̧ ioon aolep men im erom̧ juon wōt. Jerkakpeje eo An ej kam̧ool bwe kōn E, jab wabanban im mour indeeo rej m̧ool.”
Josep emaron̄ jab kar jeļā ta eo en kar leļo̧k bwe Ijtō eo kein kajuon ilōn̄in kōņaan eo an n̄an kautiej Jisōs Kraist. Ak Irooj ekar kōjerbal ikdeleel eo ewāppen an Josep āinwōt kabwilōn̄lōn̄ eo An eļap n̄an maron̄ “leen ṃoktata iaan ro rej kiki” (1 Korint 15:20), eo m̧oktata n̄an jerkak jān ro remej.
Baj āinwōt Josep ekar wōr juon an eddo eaorōk n̄an kōm̧m̧ane, kōj kajjojo maron̄ erom̧ juon kein jerbal ilo pein Jemedwōj Ilan̄. Karōk eo An ej n̄an aolep, im E enaaj kepaake E n̄an kapāāl ko ad, en̄jake ko, im jekjek ko n̄an lem̧aanļo̧k jerbal in An eļap. Ijtō in, jemaron̄ keememej ennaan in im kappukot Jisōs Kraist, kaarmejete ta eo jemaron̄e n̄an jipan̄ kalōk aelōn̄ in Kiin̄ eo An im kōtļo̧k An kabwilōn̄lōn̄ ko deļo̧n̄tok ilo mour ko ad.