“Kadkad Kwojarjar: M̧ool An Gospel Me Ekar Ukōt Mour Eo Aō,” Liaona, M̧aaj 2026.
Jān YA Kajjojo Wiik
Kadkad Kwojarjar: M̧ool An Gospel Me Ekar Ukōt Mour Eo Aō
Anij edipio an jeļa kajjiōm̧ im ejeļā ta eo em̧m̧an tata n̄an kwe.
Ikar lukkuun jar n̄an meļeļe jekjek eo aō. Mijen kūr eo aōekar itok ālkin karum̧wijļo̧k ko reļļap, im ikar bwilōn̄: Alpine German Mijen Kōnono Kajin German.
Ijo jikū.
Ta?
Ikar jab kōņaan jerbal ilo ijo jikū. Ikar kōtmene n̄an etal n̄an joko jet āinwōt elōn̄ iaan ro m̧ōtta. Ennaan in ekar kōm̧m̧an aō en̄jake bwe Jema Ilan̄ ejjab lo eō āinwōt juon eo ekkeke n̄an jerbal n̄an E.
Bōtaab ke ikar ba kōm̧m̧ane jar in, kajjitōk Ippān eļan̄n̄e E ekar kōn eō im eļan̄n̄e mijen kūr in ekar juon eo ebōd, ikar en̄jake juon eddo in kanniōk kar kotake jan aera. Ikar en̄jake an Jetōb eo kallim̧uri eō bwe Anij elukkuun jeļā kajjiō im ejeļta eo em̧m̧an tata n̄an n̄a.
Ilo iien jab eo, Jetōb eo ekar kapen n̄an n̄a bwe n̄an nejin Anij.
Bwe juon iaan iien ko m̧oktata ikar lukkuun en̄jake kajoor eo kōn kadkad kwojarjar eo aō.
M̧ool Eo Aorōk Tata
Juon m̧ool in ukōt mour an gospel eo an Jisōs Kraist ej bwe jej ro nejin jined im jemād ilan̄.
Elder Patrick Kearon jān Doulul eo an Jon̄oulruo Rijilōk ro ekar katakin kōn “juon mennin letok ej kabooļkōn m̧ool eo indeeo me ej rie im jipan̄ maron̄ eo ad n̄an bōke aolep men ko jetJemād ekōņaan letok iood ippān—juon mennin letok jej lukkuun lukkuun errā kakeim bōke ilo m̧wilaļ in jetōb eo likūt lan̄lōn̄ im wāween ko reppen an mour, im kajjitōk ko ad rejjan̄in uwaak: ej bwe jej lukkuun ajri ro nejin Anij.”
Jān kar en̄jake jab in kōn mijen eo aō, ikar en̄jake m̧ool eo an naan ko. Ijjan̄in kar meļo̧kļo̧k ewi kar kōketak im kajoor aō kar en̄jake ke ikar kile bwe Anij ejeļā n̄an im iakwe eō.
Pedped ioon Kadkadiū
Kōjekdo̧o̧n m̧ool in, laļ eo ipeļaakū edik an kakeememej eō kōn jolet kwojarjar eo aō. Ikar kile ikar aikuj in ļōmņak in keememej kadkad eo aō ekwojarjar im kajoor eo me ej itok jān e.
N̄an n̄a, menin ekitbuuj men ko āinwōt kejekļo̧kjeņ kōn ānbwinnū im ta eo ej kōtļo̧k bwe in kōm̧m̧ane im en̄jake aolep raan.
Ij barāinwōt en̄jake ekkejel eo n̄an Rikōm̧anm̧an eo aō n̄e ij pād ilo jablur in paotok eo an. Lo aiboojoj eo an toļ ko ak tulo̧k in aļ ej kakeememej eō bwe Anij ejjab aikuj in kaiboojoj laļ in. Bōtaab E im Jisōs Kraist raar kōm̧m̧ane n̄an kōj bwe Er rej kōņaan bwe jen lemōņōņō kōn mennin bwilōn̄ an laļ in im kakeememej iakwe eo Aer (lale Moses 6:63).
Im jar n̄an Jemādwōj Ilan̄ kajjojo raan—kwaļo̧k n̄an E ekōjkan aō en̄jake im kile bwe E ej kōņaan ron̄jake im kōnono n̄an n̄a—ej jipan̄ eō kam̧wilaļļo̧k ekkejel kwojarjar eo aō Ippān. Jar ej kakeememej eō bwe ijjab make iaaō im bwe E ej tōl eō, jekdo̧o̧ņ eļan̄n̄e ta eo ikōņaan ejjab waļo̧k kiiō. Ij lōke bwe E, ej juon Jemād em̧m̧an, ejeļā iien eo ejejetjet n̄an jet kōjeraam̧m̧an ko n̄an itok n̄an mour eo aō.
Mennin Letok eo an Mour in
Mijen eo aō ekar jab ta eo ikar kōtmene enaaj kar, bōtaab ekar wōr aō en̄jake ko me raar jipan̄ eō lo etke Jemādwōj Ilan̄ ekar kōņaan bwe in pād ilo eria eo ilo jo jikū. Kwaļo̧k m̧ool eo kōn kadkad eo aō ekwojarjar ippān ro me ijjan̄n kar jeļā kajjier m̧okta ekar kobrak eō kōn lan̄lōn̄.
Ijjab maron̄ pijaikļo̧k mour ilo jab jeļā wōn lukkuun n̄a—enaaj kar ejjeļo̧k kobban aō en̄jake im jōbwābwe.
N̄e ij ļōmņak kōn unin mour eo aō, ej letok n̄an eō eļap kōjatdikdik n̄an jeļā bwe mour in ej juon m̧ōttan edik an karōk eo an Jemādwōj Ilan̄ n̄an n̄a. Ij kōm̧m̧ane, katak, im erom eļapļo̧k jān n̄a kiiō kōnke kōn mennin letok kwojarjar eo an mour E kear letok n̄an eō āinwōt Nejin. Ij lukkuun kam̧m̧oolol bwe E ekar letok Nejin Jitōnbōro āinwōt aō Rilo̧mo̧o̧r im bwe E ej kōtļo̧k bwe in kāālet n̄an deļo̧n̄tok ilo mour in n̄an erom āinwōt E im ro̧o̧l n̄an kapijuknen.
Jekdo̧o̧n ta eo laļ in ej lewaj n̄an kwe, ij kōjatdikdik kwoj aolep iien keememej wōn lukkuun kwe. Bwe m̧ool eo enaaj lewaj n̄an kwe kajoor eo n̄an jelm̧ae aolep men me rej iwōj n̄an kwe.
Āinwōt an Anij kar ron̄jake eō ilo iien ebbweer eo aō, ijeļā E ej aolep iien ron̄jake im iakwe kwe barāinwōt.
Rijeje eo jokwe ilo Liestal, Switzerland.