Caiaphas Pris eo Eutiej

Mekarta eddo eo an eaorōk, jiddik wōt kar jeļā kake āinwōt Caiaphas. Ej kwaļo̧ke ratimjuon wōt kōttan ilo Kalim̧m̧ur Ekāāl. Ekar jerbal āinwōt juon ribōktok bōktak naan ikōtaan Rijew ro im Rirom ro. Ekar juon Sadducee, juon kūrub in Rijew ro ilo tōre ko an Kraist me rekar jab tōmak ilo jerkakpeje (lale Jerbal 23:8).

Caiaphas ekar kōnono ilo ko̧o̧njeļ eo ālkin an Kraist kar kajerkak Lazarus jen mej, juon kabwilōn̄lōn̄ eo enaaj kar kainebataiki im Sadducee ro jet kōn wōt tomak ko aer.

Ko̧o̧njeļ eo ekar kōm̧m̧ane juon bwebwenato me eļan̄n̄e ejjeļo̧k men en renej kōm̧m̧ane n̄an kabwilōn̄lōn̄ in ebun̄bun̄, armej renaaj tōmak bwe Jisōs ekar Messaia eo, Kiin̄ an Rijew ro, “im ri Rom renaaj itok im kọkkure jikōd im bwijjed.” (Jon 11:48).

“Koṃ jab jeḷā n̄an jidik,” Caiaphas ekar uwaak, “Im koṃ jab ḷōmṇak bwe eṃṃan n̄an kōj bwe juon armej en mej kōn armej raṇ, im bwij otemjej ren jab jako” (Jon 11:49–50).

Rijilōk Jon ekar je bwe Caiaphas ekar kōnono “Im e make jab kōnono men in, a e pris eo eḷap ilo iiō in, ej rūkaanij bwe Jisōs enaaj mej kōn bwij eo;

“Im e jab kōn bwij eo wōt, a bwe barāinwōt En kobaik n̄an doon ro nejin Anij rej jeplōklōk” (Jon 11:51–52).

Etan Caiaphas ekar bar juon alen ilo Kalim̧m̧ur Ekāāl ke kar kajjitikin Kraist m̧okta jān Dōbwāāl eo An.

“I jiroñ Eok kōn Anij e mour, bwe Kwōn kōnnaanōk kōm, Kwe Ri Kraist, Nejin Anij ke, jab ke” (Matu 26:63).

Jisōs ekar kapene bwe E ekar: “Kwōj ba wōt, a Ij ba ñan koṃ, tokālik koṃ naaj lo Nejin armej Ej jijet i anmooṇōn kajoor, im itok ilo kōdọ ko in lan̄” (Matu 26:64). Ilo uwaak n̄an menin, Caiaphas bar juon alen ekar kaarmejete Rilo̧mo̧o̧r. “Innām pris eo eḷap ej kekōl nuknuk ko an im ba, “Ej blaspim” (Matu 26:65).

Mekarta ilo im̧aan mejān Rilo̧mo̧o̧r an laļ in, juon eo ekar ekkapit m̧okta jen an kar ļotak n̄an pinmuur kōn jerawiwi ko an aolep armej im en̄taan kōn aolep metak, būrom̧ōj, im jorrāān, Caiaphas ekar jab kile bwe Jisōs ekar Kraist eo, im ekar liakeļo̧k n̄an kakkure E.

Caiaphas ej bar waļo̧k ilo Baibōļ ilo Jerbal 4. Rekoot ko rej jiron̄ ewi wāween an Rijilōk Piter kōmour juon em̧m̧aan eo ekar jaje etetal jen ke ekar ļotak tok (lale Jerbal 3:1–8). Innām, ke e im Jon rekar kwaļo̧k kōn Jerkakpeje eo an Kraist, rekar kalbuuj ium̧win kappe an Sanhedrin. Rekar kalbuuj bon̄ōn̄ eo im bōktok er im̧aan juon ko̧o̧njeļ me ekoba Caiaphas im jemān kōrā eo pāleen, Annas, kar juon pris eo eutiej. (Lale Jerbal 4:1–6; bar lale Jon 18:13.)

Ke kar kajjitikin kōn maron̄ rot rekar kōmour em̧m̧aan eo, Piter ekar uwaak: “Eṃṃan koṃwin otemjej jeḷā, kab armej in Israel otemjej, bwe ilo etan Jisōs Kraist Ri Nazeret, Eo koṃ ar debwāāl E, Eo Anij ear kajerkakpeje jān ro re mej, aet ilo E armej in ej jutak im mour iṃaan mejemi” (Jerbal 4:10).

En̄in ekar iien eo em̧m̧an kar rekoote āliktata me Caiaphas ekar aikuj in bōk Kraist. Ijjelo̧kin, ko̧o̧njeļ eo ekar kaam̧jak Piter im Jon. Ak kaam̧jak eo aer ekar jab ukōt m̧ool eo bwe Kraist ej mour. (Lale Jerbal 4:13–22.)

Kōn kajoor im mālim eo an Jisōs Kraist, Piter ekar kōmour em̧m̧aan eo emej ānbwinnin. Āinļo̧k wōt, kabwilōn̄lōn̄ ko remaron̄ waļo̧k rainin kōn priesthood eo em̧ōj an jepļaaktok an Kraist im jen tōmak ilo āt eo Etan. Katak eo jemaron̄ ekkatak jān Caiaphas elukkuun pidodo. Ekar jab bōke Jisōs āinwōt RiKraist eo, Nejin Anij, ak jemaron̄. N̄e jej tōmak ilo E, kōkkaļļe ko, mennin bwilōn̄ ko, kabwilōn̄lōn̄ ko renaaj itok (lale Mark 16:17–18).