“Iaļ eo n̄an Emmaus: Juon Ito Itak kōn Revelesōn im Nōbar,” Liaona, Maaj. 2026.
Rekar Jeļā kōn Rilo̧mo̧o̧r
Rikaļoor ro ilo Iaļ eo n̄an Emmaus: Juon Ito Itak kōn Revelesōn im Nōbar
Āinļo̧k wōt ta eo rikaļoor rein rekar en̄jake, būruwōd emaron̄ bwil ilo kōj āinwōt juon kam̧ool an Pinmuur im Jerkakpeje eo an Rilo̧mo̧o̧r.
Kōmeļeļe jān Laura Serra, jab maron̄ kapeiki
Ilo Jabōt eo, ālkin rālep in Jerkakpeje eo, ruo rikaļoor rekar etetal ralitōk m̧ael ko (13km) jen Jerusalem n̄an Emmaus. Ekar juon raan eļap en̄jake ie—jejjo raan eļap en̄jake ie.
Būruweer rekar lukkuun eddo. Ļōmņak ko aer rekar limotak kōn bwilōn̄ im būrom̧ōj. Rekar kōnono kōn Jisōs RiNazareth eo—Mej eo An, iaron̄ron̄ ko kōn jerkak eo An, im en̄jake būrom̧ōj kōn jab lukkuun in jeļā ta meļeļein.
Ilo aer etetal, juon rūwaimejet waļo̧ktok ke rej kōnono. Ekar Jisōs, me er rekar jab kile E. Mejāer rekar lubobo im aer meļeļe ekar jab alikkar. Ruwaimejet eo ekar kajjitōk, “Ta men ko kom̧ ro kōnono n̄an doon, ke kom̧ etal, im rej bōjrak im būrom̧ōj mejeir?” (Luk 24:17).
Juon iaan rikaļoor ro, Cleopas, ekar uwaak ilo an jab tōmak bwe jabdewōt emaron̄ jab kile, kōn menin ilo wāween eo ejjeļo̧k aer jeļā kake ippān m̧akūtkūt ko me rekar kōm̧akūtkūt Jerusalem weekend eo. “Ewōr ke wōt juon ruwaimejet ilo Jerusalem, im ekar jab jeļā kōn men kein renaaj waļo̧ktok ijeņ ilo raan kein?”
“Ta men kein?” Jisōs ekar kajjitōk.
Uwaak eo aer ekar ilbōk im m̧ōkaj: “Kōn Jisōs ri Nazeret, eo Ri Kanaan e kajoor ilo jerbal im naan iṃaan Mejān Anij im armej otemjej” (Luk 24:18–19). Rekar ba er rekar lōke bwe Jisōs enaaj kar pinmuur Israel, aaet ekar raan eo kein kajilu jān raan in mej eo An. Im jet kōrā rekar riboot juon lotok an enjeļ ro rej kwaļo̧k ke E ekar mour, Rijilōk ro rekar etal im waate rekar jab loe E.
Innām Jisōs ekar kōnono—ejjab āinwōt juon ruwaimejet ak āinwōt juon rūkaki. “O armej ri anniabeab im e ruṃwij būruemi kōn tōmak men ko otemjej ri kanaan raar kōnono kaki” (Luk 24:25). Ekar kōmeļeļeiki jeje ko rekwojarjar n̄an er, jān Moses jān aolep rikanaan ro, kwaļo̧k men ko kōn E make. Ļōmņak m̧ōk etetal ium̧win elōn̄ awa ippān Nejin Anij, Irooj in mour, ron̄jake E ej kōnono kanaan ko an Messaia eo. Aer būrom̧ōj ekar jino waļo̧k, bōk jikin jen mijak im limotak ilowa.
Pād wōt Ippām
Ke er rekar epaakeļo̧k Emmaus, Jisōs ekar kōm̧m̧an āinwōt Enaaj kar etal ettoļo̧kļo̧k. A rej dāpij E, im ba, “Kwōn pād ippem: bwe e jota, im e nan̄in bon̄. Im Ej deļo̧n̄ bwe En pād ippāer” (Luk 24:29). Ekar pād ippāer, jijet, im ruje pilawe.
Kōn ta eo ekar waļo̧k tokālik, Elder James E. Talmage (1862–1933) jān Doulul eo an Jon̄oulruo Rijilōk ro ekar jeje: “Ekar bōlen wōr juon men eo ilo kalimomo eo an kōjeraam̧m̧an eo, ak ilo wāween ruje im leto letak pilawe eo, eo ej kōro̧o̧ltok ememļo̧kjeņ ko kōn raan ko m̧okta, ak, emaron̄, rekar loe mirokan kinej ko pein, ak, ta eo ekar kōm̧m̧an an waļo̧k, rekar reilo̧k ioon Rilotok eo aer, im mejāer rekar peļļo̧k, im rekar jeļā E; im Ekar jakoļo̧k jān mejāer’ [Luk 24:31].”
Ilo iien eo, rekar oktak n̄an doon im ba, “Im rej ba n̄an doon, Būruwed e jab bwil ilowad ke Ear kōnono n̄an kōj ilo iaļ eo, im ke Ear kameļeļeik Jeje ko n̄an kōjro ke?” (Luk 24:32). Bwil ņe ekar jab tarpok ak mijak—ekar kile. “En̄jake ko me kar kōmeļeļeiki rej kam̧ool ko rej kam̧ool kōn kwojarjar an Nejin,” Elder Bruce R. McConkie ekar katakin (1915–85) jān Doulul eo an Jon̄oulruo Rijilōk ro.
Iaļ eo Ad Make n̄an Emmaus
“Ta eo E enaaj kar ba n̄an eok eļan̄n̄e kwaar maron̄ etetal im kōnono Ippān?” Elder Patricio M. Giuffra jān Jiljilimjuonn̄oul eo ekar kajjitōk.
Āinwōt rikaļoor ro, jemaron̄ likjab n̄an kile bwe Rilo̧mo̧o̧r ej etetal ippād, Ekar ba. “Jemaron̄ jab lo ekōjkan An pād ippād, kajjieon̄ pād ippād, jerbal ippād, im jan̄ ippād.” Kōm̧ad ko an mour—men̄e kapo ko ak anjo̧ ko—maron̄ kōtab im̧aan Mejān.
Kōj kajjojo ej etetal ilo iaļ eo an make n̄an Emmaus. Ilo iaļ in ļo̧k, jej jelm̧ae nan̄inmej, m̧ōjņo̧, jorrāān kōn jāān, ak aaet uteej bōro me emaron̄ itok jen tōprak. Aaet jej aikuj jab etetal make iaad, Elder Giuffra ekar ba. “Jemaron̄ kajjitōk ippān Rilo̧mo̧o̧r n̄an an pād ippād.”
Ilo ad ekkatak kōn Kraist, pokake kien ko An, jar, katak jeje ko rekwojarjar, ļoore rikanaan ro remour, im karuwaineneik Er n̄an pād wōt ippād, jej jino in kile kadeel eo An. Akweļap eo an rikaļoor ro—“Pād Wōt Ippam̧”—ej aikuj erom̧ ad, Elder Giuffra ekar ba. Im n̄e ej, būruwōd, ej barāinwōt, naaj bwil ilo kōj.