“Ennaan eo Ekam̧ōņōņō,” Liaona, M̧aaj 2026.
Ainikien Armej ro Rekwojarjar ilo Raan Ko Āliktata
Ennaan eo Ekam̧ōņōņō
Kōn Pinmuur eo ejjeļo̧k jem̧ļo̧kin an Rilo̧mo̧o̧r eo, ijeļā inaaj bar lo eo m̧ōtta.
kōmeļeļe jān Briana Kranz
Āinwōt ro riturin doon, Maritza im n̄a kar ioon doon ke kōmro kar jiron̄. Men̄e liin ekar jejjo iiō ko rūttoļo̧k jān n̄a, kōm kar lukkun m̧ōttā im kar epaak.
Ke ekar 19 aō iiō im kar ļap aō aikuj tōl, liin ekar kwaļo̧k kadkadū n̄an gospel eo kōjepļaaktok a n Jisōs Kraist kōn mijenede ro rej jerbal aolep raan. Ikar jeļā kadede jidik kōn Kabun̄ eo an Jisōs Kraist im Armej ro Rekwojarjar ilo Ran Ko Ālikata kōn eo rūkorea im būbū. Raar erro eo m̧okta membōr in Kabun̄ ilo baam̧le eo am.
Maritza ekar pād ippa ilo aolepān oktak eo aō, kar jipan̄ eō kaddōk naan in kam̧ool eo aō kōn Rilo̧mo̧o̧r eo im gospel eo An, im kar jipan̄ eō kajjojo iien ikar aikuji.
Ikar katak jān liin lan̄lōn̄ eo an mour kōn gospel eo kōn ļam waan im kije. Ikar nebar liin ilo leiaia, wāween an kobaik baam̧le im ro m̧ōttan, im kūttare ilo kōtōprak kōttōpar ko ilo kannōk im jetōb. Ikar katak jān liin bwe n̄e jej katak juon men me em̧ool, jej aikuj kōm̧m̧ane ta eo jaar katak kake. kōjparok kien ko im kōjerbal katak ko an gospel eo ilo mour ko ad im baam̧le ko. N̄an tiljek wōt, jej aikuj peran ilo naan in kam̧ool eo ad im kajjion̄ dāpdep n̄an tōmak eo ad, jekdo̧o̧n ta rikapo eo.
Ilo 2010, Maritza ekar mej ilo juon itaak in waan ettōr. Ekar juon iien ekabūrom̧ōjm̧ōj n̄an n̄a, bōtaab ijeļā bwe kōn karōk in lo̧mo̧o̧r eo im Pinmuur eo an Jisōs Kraist, inaaj bar loe e. Ijeļā liin ej wōnm̧aanļok wōt ijo ej pād ie kiiō kōn ejja paotok eo ekam̧ōņōņō im iuunm̧aanļo̧k paotok jab in ekar kwaļo̧k kadkad in ijin ioon laļ in.
Ijeļā bwe en̄in ej “iien n̄an m̧aanjāppopo” (Alma 12:24) ejjab aolepān in . Ijeļā jej lo baam̧ļe ko ad im ro m̧ōttad bar juon alen ilo rejet eo juon in rōn̄ōl eo. Jenaaj lo er, iak-iakwe er, im koba ippān doon bar juon alen. Jenaaj en̄jake ejja en̄jake in iakwe eo ewōr ippād n̄an doon ioon laļ in (lale Katak im Bujen Ko 130:2). Ro uwaan baam̧le eo aō repād ijōņ. Ijeļā Maritza epād ijōņ barāinwōt.
Maritza ekar m̧ōņōņō in kōnono ippān aolep kōn gospel eo ioon laļ in. Ijeļā liin ej kōm̧m̧ane ejja men eo wōt ilo laļ eo an jetōb (lale Katak im Bujen Ko 138:57). Liin ej katakin kōn Pinmuur eo ejjeļo̧k jem̧ļo̧kin an Rilo̧mo̧o̧r eo im ennaan eo ekam̧ōņōņō bwe kōnke kōn E im kōn kain̄i ko an tampeļ, jemaron̄ bar jepļaakļo̧k n̄an im̧aan Mejān im Jemān n̄an mour āinwōt baam̧le ko n̄an indeeo.