Rilo̧mo̧o̧r eo Eweppān Emaron̄ Ke Meļeļe En̄jake in En̄taan?

Ikar ļōmņak ikar pād ilo iien eo em̧m̧an tata ilo mijen eo aō—ikar kamineneik juon mijenede kāāl, kōppopo n̄an juon peptaij, Ikar lukkuun m̧ōņōņō.

Bōtaab ikar jab kile apan̄ im inepata eo ej ejaak itulowaō.

Ikar babu n̄an aō kiki juon bon̄ inepata eo ekar jino nana ļo̧k n̄an panic attack eo aō kein karuo ijjan̄in kar wōjake ilo aolepān mour eo aō—eo m̧oktata ekar waļo̧k ruwatimjuon iiō ko im̧aanļo̧k. Ratimjuon iiō!

Etke, ālkin wōt juon iien edik an inepata (anxiety) āinwōt juon ajri, ekar m̧ōkaj an bar waļo̧k kiiō?

Ikar kiliddāp in kajjion̄ wōnm̧aanļo̧k ilo mijen eo aō āinwōt ejjeļo̧k men eo, ļōmņak imaron̄ kar ņa mejļan jorrāān ko aō make.

Ke ikar kakkōt kōn ājmour in kōļmenļo̧kjeņ eo aō, juon ekar kwaļo̧k ippā juon ļōmņak ekar wōr ippāer ke kar riit kōn en̄jake eo an Rilo̧mo̧o̧r ilo Getsemane.

Jisōs ekar ba, “Aō e kanooj būrom̧ōj āinwōt n̄an mej.” Innām Rilo̧mo̧o̧r eo ekar jar, “O Jema, eļan̄n̄e e maron̄e en ilo̧k kab in jān Eō; a en jab ankil Aō, a ankil Am̧”Matu 26:38–39).

Kwonan̄in ke kar en̄jake eddo eo an būrom̧ōj eo am̧ make? Kwonan̄n ke kar kajjitōk ippān Anij, “Ebar wōr ke juon wāween?”

Ilo m̧ōņōņō eweppān, pokake eweppān, im iakwe eweppān, Rilo̧mo̧o̧r eo ada ekar bōk ankilaan Jemān. E ekar weppān kōnke E ekar jab jerawiwi, bōtaab E ekar wōt en̄jake metak, būrom̧ōj, im makeļo̧k.

Ālkin men otemjej, E ekar wanlaļļo̧k ium̧win aolep men—bwe E en maron̄ kotak kōj.

Būreejtōn Jeffrey R. Holland, Ripinej Jenkwan Būreejtōn eo an Doulul eo an Jon̄oulruo Rijilōk ro ekar katakin, “Jisōs ekar ‘juon armej in būrom̧ōj’ [Aiseia 53:3], jeje ko rekwojarjar ej ba. E ekar en̄jake būrom̧ōj, em̗m̗ōkm̗ōk, edodo, im kanooj ajimakeke. Ilo aolepān men kein im ilo aolep iien, iakwe eo Jisōs ekar jab likjab im barāinwōt eo an Jemān.”

Jeļā bwe Kraist ekar ioon mej ko reppen ej kakeememej eō bwe E emeļeļe metak bōro, inepata, m̧ōk, inepata, būrom̧ōj, makeļo̧k iaan eļapļo̧k jān jabdewōt.

Ekar E eo ekar jan̄ ilo mej eo an Lazarus (lale Jon 11:33–36). Im E ekar eo kar kajjitōk āinwōt E ekar mej ioon debwāāl, “Aō Anij, Aō Anij, etke Kwaar ilo̧k jān Eō?” (Mark 15:34).

Bōtaab Jisōs Kraist ebar jeļā lan̄lōn̄, iakwe, meanwōd, tūraim̧o, im aenōm̧m̧an eļapļo̧k jabdewōt. Kōnke E eweeppān. Kōn menin, eweppān an jeļā ad en̄jake.

Būreejtōn Holland ekar kam̧ool: “Juon iaan kaenōm̧m̧an ko reļļap ilo Ijtō in ej bwe kōnke Jisōs eaar etetal ilo juon iaļ eo eaitok, eajimakeke, jej jab aikuj kōm̧m̧an āindein. Iaļ eo An emakeļo̧k ekar bōktok eļap m̧ōttan n̄an iaļ eo ad edik—tūriam̧o kea eo an Jemādwōj Ilan̄, m̧ōttā eo ejjab likjab an in Nejin Jitōnbōro, menin letok eo edipio an Jetōb Kwojarjar.”

Kile bwe Jisōs Kraist eweppān an kar meļeļe ta eo iakr en̄jake ke ikar kakkōt kōn inepata, āliktata ikar kōtļo̧k bwe E en jipan̄ eō ineek eddo ko aō.

Inepata eo aō ekar jab m̧ōkaj an jako. Ekab wōr raan ko reppan aō Bōtaab epaake Kraist ekar letok n̄an eō lan̄lōn̄ eo aitok kitien kōnke ikar jeļā bwe ekar pād ijo ippa, ba, “Ijeļā. Eweppān aō jeļā ekōjkan am̧ en̄jake.”

Ilo iien in, Kraist ekar erom lōke eo aō epaak tata.

Ij ļōmņak bwe jet iien jej baj ļōmņak bwe weppān eo an Kraist ej meļeļe bwe E ej ettoļo̧k im ban tōpare, bwe jerbal ko An reļļap im mour kabwilōn̄lōn̄ eo ekōm̧m̧an bwe E en lo eļapļo̧k jān bajjōk eo ad, jab wānōk, utiej bōro. Bōtaab E ejjamin kar lukkuun epaake kōj jān n̄e jej jelm̧ae pata ko ad reppen, būrom̧ōj ko ad renana tata, im kakkōt ko ad rekabūrom̧ōjm̧ōj tata.

Ijtōn in, jemaron̄ keememej bwe Jisōs Kraist elukkuun jeļā ekōjkan ad kakkōk kōnke E eweppān—armej eo de eo ekar maron̄ en̄jake metak eo ad im ineek eddo ko ad.

me ekar Kōn menin , n̄e kwoj kakkōt, oktakļo̧k n̄an E. Eweppān An meļeļe