“Ilo Jerbal eo An,” Liaona, M̧aaj 2026.
Ainikien Armej ro Rekwojarjar ilo Raan Ko Āliktata
Ilo Jerbal eo An
Ikar jab jeļā ewi wāween jiron̄ juon baam̧le kōn mej eo an leddik eo nejier m̧ae iien Jetōb Kwojarjar eo ekar jipan̄ eō.
Pija jān Brian Kranz
Eļan̄n̄e juon en̄jake an mour elukkuun in pen ilo en̄jake jako an juon eo jitōnbōro jab kar kōtmene, ij ļōmņak en̄jake eo kein karuo epen emaron̄ waļo̧k n̄e rijerbal in idin̄ eo ej kalimjōk māj ko mejān juon m̧ama im baba im jiron̄ er ke ajri eo nejier emej.
Juon jibbon̄ kar jilkinļo̧k eō n̄an kōjeļļāik juon baam̧le bwe leddik eo edik tata nejier ekar mej ke ekar ettōrļo̧k n̄an m̧weo jān kaļōj. Leddik in ekar kiki jān jōbwe eo im ekar kajju mej ke wa eo waan ekar jejļo̧k jān iaļ eo im kanooj jorrāān jān itaak eo. Ekar jibbon̄ in Ijtō.
Iar jab kijōrjōre metak eo ikar pojak in kōm̧mane n̄an baam̧le in. Ilo juon wāween, ekar āinwōt eļan̄n̄e ekar kōn kakkure baam̧le eo kōn ennaan in, ikar eddo in.
Ikar kōjan̄ doorbell eo, im juon em̧m̧aan ekar itok. Kōmro kar kalimjōk doon ilo wintō eo ilo kōjām eo. Ekar kā, jok ej waļo̧k ilo turin mejān. Ekar jeļā bwe aō pād ekar kōmeļeļeik jako an leddik eo nejin. Ejjab etto, ikar bōk juon im̧we ilo jetōb:
“Jason, jab ļōmņak kōn kwe. Kwoj pād ilo jerbal eo aō im tōllo̧ke kajoor eo aō. Kōjerbale. Lōke. Jetōb Kwojarjar enaaj tōl eok bōktok meļeļe im mejļan n̄an ro me rōpeļo̧k ak pok.”
Em̧m̧aan eo ekar kōpeļļo̧k kōjām eo kōn an udiddid pein. Lōke ilo jetōb ekar bōk jikin m̧akoko eo aō ke ikar kwaļo̧k kadkadū im kajjitōk n̄an deļo̧n̄. Men̄e kar kajoor jān Jetōb eo, būruō ekar lukkuun metak kōn e. Ikar kōņaan jipan̄ e ilo būrom̧ōj in an, būrom̧ōj ippān, im jan̄ ippān (lale Mosaia 18:8–9), en̄jake bwe kōm̧m̧ane āindein emaron̄ kadikļo̧k en̄taan eo an.
Kōm kar etal ilo juon hallway ekadu n̄an juon ruum̧ ijo lio pāleen im ajri ro raar koba ippān doon ie. Obrak kōn Jetōb Kwojarjar eo, ikar en̄jake lōke im ekar alikkar aō ļōmņak. Iar uwaaki kajjitōk ko aer innām kwaļo̧k naan in kam̧ool eo aō bwe kōn wōt Jisōs Kraist, An katok im Jerkakpeje, renaaj bar lo leddik eo nejier.
Jān en̄jake in, tōmak eo aō ilo Irooj ekar ejaak n̄an lōke. Ikar kōjatdikdik bwe ko aer ren bar ejja eo aō.
Elder Paul B. Pieper jān Jiljilimjuonn̄oul eo ekar katakin, “et iien wāween eo em̧m̧antata n̄an ekkatak kōn Anij ej ilo ad lōke E.”
Lōke Irooj ekar jipan̄ eō bōk kajoor eo n̄an jipan̄ ro jet. Ekar barāinwōt kōkajoorļo̧k naan in kam̧ool eo aō im kōmetal iaļ eo n̄an elōn̄ iien ko rem̧m̧an n̄an jerbal n̄an ro jet n̄an E.