Rijikuuļ in Univeristy ro Rej Jipan̄ Itulikin Ijo Jab Loe ilo International Law im Religion Symposium eo

Rijikuuļ in Brigham Young Univeristy ro jen Provo, Utah im Laie, Hawaii, kar jipan̄ ritōl ro ilo 32nd annual International Law and Religion Symposiuj eo ilo Jikuuļ in Law eo an J Reuben Clark ilo jem̧ļo̧kin 2025 eo.

Symposium eo ej kakuktok ippān doon ritōl ro an kien, jikuuļ, im kabun̄ ro jen aolepān laļ in n̄an ekōnono kōn pedped in katak ko an anemkwōj in kabun̄.

Bōtaab ejjab baj wōt ritōl ro me ej kōm̧m̧an bwe symposium en wejepedik, ej barāinwōt rijikuuļ ro rej likūt kijejeto eo itulikin ijo jab loe.

Rijikuuļ in BYU Hawaii ro jen Religious Freedom and Human Dignity Initiative kar itok n̄an kōm̧m̧an bwe symposium eo en ļap kilaan im pād ilo ememej n̄an rijikuuļ ro im ritōl ro barāinwōt.

N̄an lo er make jān rijikuuļ ro jān BYU Provo, rijikuuļ in BYUH ro raar ekkōņak Kukui wūt ko. Wūt kein rej kakōļļe ko an jeļāļo̧kjeņ im eddōkļo̧k, jet men rijikuuļ ro rej kōjatdikdik n̄an bōke ilo aer pād ilo iien eo. Ilo Hawaii, kukui nut ko raar tili āinwōt kāāntōļ ko, leļo̧k juon wujen meram lo iien marok ko, bar juon kakōļļe eļap kōn Kukui wūt eo.

Ekkar n̄an elōn̄ ritōl ro, rijikuuļ baļintier ro rej juon men em̧m̧an an symposium eo. Rej jerbal āinwōt ro raorōk kepaake er an ritōl ro, uwaaki kajjitōk ko, tōl er, im rejtake iien eo. Ilo iiō ko, elōn̄ ritōl raar kam̧m̧oolol rijikuuļ ro kōn jouj eo im meram eo aer.

“Ej ta eo jej kajjion̄ in erom, meram an Kraist,” Kala Haverly ekar ba, juon rikjikuuļ m̧ōttam jen Hawaii.

Rijikuuļ in BYU Law eo, Elle McConkie, ekar jerbal ainwōt Ribōk Eddo in Jikejuuļ eo n̄an Symposium eo. Liin ekar ba bwe ilo kaajeded meram eo an Kriast ekar jab alikkar juon pedped ilo iien karōk eo im kōppopo eo, ekar make itok iien eo ikar jerbal ilo symposium eo.

“Ij ļōmņak bwe kōn ikitōltōl ko ad ippān ritōl ro—ke kōm kar jipan̄ er, kar uwaaki kajjitōk ko aer, pād ilo iien bwebwenato ko, im letok letak juon en̄jake em̧m̧an n̄an er—kōm kar iakwe n̄an kajeeded iakwe im meram eo an Kraist,” McConkie ekar ba.

Ilo jem̧ļo̧k in kweilo̧k eo, rijikuuļ in BYUH ro raar liļo̧k Kukui Wūt ko n̄an ritōl ro raar jerbal ippāer kōn karuwaineneik er n̄an pād ilo Religious Freedom and Human Dignity Initiative ilo kāmbōj ko aer make ilo Eprōļ, ijo pedped eo ej ioon juon kabun̄ ejenolo̧k.

Riji Levai jen Fiji ej tōl BYUH initiative eo. Ekar ba ejaake jemjerā ko aitok kitier ej juon pedped aorōk. Iiō eo ļo̧k, BYUH symposium eo ekar pedped ioon ijoko ilo Pacific, kōn elōn̄ļo̧k jen jibuki rijikuuļ baļiniter ro jen laļ ko an Pacific rej bōk koņaer.

“Ejjab wōt kalōk jemjerā ko aer ippān ritōl ro, ej kōllowetak er n̄an em̧m̧akūt ilo iaļ in, āinwōt juon lawyer ak kar bōk koņaaō ilo religious freedom im human dignigty eo,” Levaci ekar ba.  

Pacific eria ej barāinwōt leļo̧k jipan̄ eļap n̄an ICLRS symposium eo, kalōk jemjerā ko ippān rijikuuļ ro im ritōl ro jet ilo aer kwaļo̧k kōļmenļo̧kjeņ ko aer.

McConkie ekar en̄jake bwe ainikien ko an Pacific raar menin aikuj. “Ej aorōk n̄an an wōr ainikien ko an Pacific ilo tebōl eo ijo unin kōnono kein raorōk rej kōnono kaki.”

Ilo kain iien rōt in emejaja, McConkie ekar en̄jake bwe m̧ōttan eo eļap tata meļeļe in an symposium eo n̄an e make, im ro jet, ekar ejaaki jemjerā ko. “Kweilo̧k eo ekar juon bōk menwan kāāl in mejatoto kōnke ekar ejjeļo̧k ‘kōm ņae er.’ Ekkejel eo an armej ilo symposium eo ekar kabwilōn̄lōn̄,” McConkie ekar ba.

Armej ro jen jekjek in mour ko rooktak, kōļmenļo̧kjeņ ko, im iminene ko an mour rej kuk ippān doon im aolep rej kobaik aorōk ko n̄an iien ekōnono eo. Armej ro rej jerbal n̄an meļeļe ļōmņak ko me remaron̄ jab lukkuun jutak kaki im kwaļo̧k kōļmenļo̧kjeņ ko aer n̄an kōjparok eļapļo̧k meļeļe im kautiej.

“Kōm kōņaan bwe aolep ren jeļā bwe jekdo̧o̧n ta kabun̄ eo aer ak tōmak ko, rej aolep aorōk im eļap tokjāer im meram,” Neelima Mungamur ekar ba, juon m̧ōttam rijikuuļ jen India.