“Ana Ekaretia Iesu Kristo ae Kaokaki,” Riaona, Tianuare 2025.
Kabonganaan ana Maekatin te Ekaretia
Ana Ekaretia Iesu Kristo ae Kaokaki
Te kamatebwai n te ririki aei n Nakomai, Iriirai n Reirei ao Berita aika Tabu e na kaota aron te Uea ni kaoka Ana Ekaretia ao euangkerio rinanoia burabeti ni boong aika kaitira. A mwaiti rongorongo n te beeba ni kaongora n te namwakaina aei ae kaotii kakabwaia n Kaokan Bwaai.
Reiakinara man Te Beebwa ni Kaongora Aei
Ira Buakon te Bobooti
N iteranibaa 2, E tibwai kawai Beretitenti Russell M. Nelson are ti kona iai n bobooti nakon te tia Kamaiu, ikotiia aika Itiaki, ao ni ikotiia n ana mwakuri ni ibuobuoki te Atua. Baairea karaoan te kouru n te namwakaina aei n anga te buoka nakon teuana mai buakon teniua aekan waaki ni booboti.
Beku n te Ekaretia ae Kaokaki
E marooro Unimwaane Patrick Kearon man te Kooram n Abotoro n te Tengaun ma Uoman taekan taai aika a kakaawaki ae iai iroura n ana Ekaretia Iesu Kristo ae kaokaki n “beku ibukia tabeman ma te tangira” (taraa iteranibaa 8). Iai aomata n am uoote ke mwaanga aika a korakai? Ko kona n tataro ibukiia aomata aikai ao n bubuti ibukin te kairiiri ibukin aron buokaia.
Reiakinaki man te Katanoata ni Kaokan Bwaai
I nanon 2020, te Moan Beretitentii ao te Kooram n Abotoro n te Tengaun ma Uoman a kaotinakoa “Bwaninin Ana Euangkerio Iesu Kristo:Te Katanoata n te Kauabubua n Ririki nakon te Aonaaba” (taraa iteranibaa 40). Ngkai ko rinanoa te katanoata ni Kaokan te Euangkerio, ko kona n iangoi titiraki aikai: Tera bwaai aika a riki ae e taekinaki, ao e kanga te Uea n kairiiri n waaki akanne?