Te Moan Mii ni Burabeti

Ko kona ni wareka te karaki aei n Iotebwa Timiti—Rongorongo 1:1–20.

E matakuakina temwaane are kabwarabwara nakoia te kurubu Iotebwa Timiti

Ngke e kairake Iotebwa Timiti, a mwaiti aaro aika a reirei kakaokoron bwaain rongorongon Iesu Kristo. E aki ataia Iotebwa bwa te ekaretia raa ae e na riai ni kaainna.

Iotebwa Timiti ngke e wareware n te Baibara

Te bong teuana, e wareka Iakobo 1:5 i nanon te Baibara. E taekinaki bwa ngkana ti kainanoa te wanawana, ti kona ni butiia te Atua ibukin te ibuobuoki. E iangoia Iotebwa bwa e na karaoa anne.

E nakonako Iotebwa Timiti n te buakonikai

Moaningabongin te tiburing ae tamaroa, e nakon te buakonikai Iotebwa n tataro nakon Tamara are i Karawa.

E katorobubua Iotebwa ao ni moanna n tataro. Ma ngkanne e a namakina te rootongitong n otabwaniniia. E maaku Iotebwa. E butia te Atua buokana.

A kaoti Tamara are i Karawa ma Iesu Kristo nakon Iotebwa Timiti

N te tai ae waekoa, e noora te oota ae otanako Iotebwa ae ruo mai karawa. E noora Tamara are i Karawa ao Iesu Kristo n tei i aon te eea. E taekina aran Iotebwa Timiti Tamara are i Karawa. Ngkanne E kotea Iesu Kristo ao n taku: “Aio Natiu ae Tangiraki. Ongo Irouna!”

E tua Iesu nakon Iotebwa bwa a na akea te ekaretia ae e na kaainna.

E katorobubua Iotebwa Timiti ao e tararake

E na buoka kaokakin bwaninin te euangkerio nako aon te aba Iotebwa.

E moangare Iotebwa ao e kitana te buakonikai

E aki manga nanououa Iotebwa Timiti. E kaonaki ma te kimwareirei! E ataia bwa e tangiria te Atua. Tabeman aomata aki kakoauaa ae e a tia noora Tamara are i Karawa ao Iesu Kristo, ma e ataia bwa e bon koaua.