“Te Mata te Kiraati ae Bua,” Te Rao, Tianuare 2025, 44–45.
Te Mata te Kiraati ae Bua
Te karaki ae koaua mai Bolivia.
Ai bon tibwa te moan bong n reirei. Andrés e rangi n ingainga! E a roko n te koraki teuana ngkai. Ai te teei ae e a ikawai!
Ma ngke e roko n te reirei, e taraa n rangi n bubura ao ni kakamaaku, iroun naba te teei ae ikawai. E kamatoaa n taua bain Mami.
“E na bon Nakoraoi” E wiingare Mami. “Kamaura am tia reirei. Akoia raom n reirei. Ao tai mwaninga n kawakina matam te kiraati.”
Tabeua te wiiki n nako, e reke matan Andrés te kiraati. Ana karo aki toki n kakauringa bwa ena kawakinii raoi.
E kaboo Mami. “Tekeraoi am bong!”
Ma Andrés e aki nakoraoi ana bong. Iai te bwai ae riki ae nakobuaka!
E biri nakon Mami n bwaran te reirei. “E bua matau te kiraati!” e tang. “I kakaea n tabo nako, ma e aki reke!”
“O akea ngaira!” E taraa n raraoma Mami. “Tia bubutia Tamara are i karawa buokara.”
“Iroum ena mwakuri?” e titiraki.
“Tia kataia ao n noria. “E ongo n taainako ara tataro Tamara are i karawa,” e taku Mami.
A tataro Andrés ma Mami. A bubutia Tamaia are i Karawa bwa e na buokiia ni kakaea matan Andrés te kiraati.
Te bong are i mwiina n te reirei, e bong nanokawaki naba Andrés. Ngkane e roko temanna te teinimwane nakoina.
“I taku bwa aikai am bwai.” E anga te mata te kiraati te teinimwaane arei. “I kunea irarikin te marae n butibooro.”
E anaa te mata te kiraati Andrés. Bon matana te kiraati! E aki kakoauaa.
Ngke e bwara te reirei, e biri nakon Mami ao n inga ma ngaia.
“Ko kunea matam te kiraati!” e taku. “Ko bae n rangi n kukurei ngkai e reke iroum.”
“I bon kukurei!” E taku Andrés. “Ma I rangi n kukurei riki n te bwai ae I reiakinna.”
“Ao tera anne?”
E bubura moangaren Andrés . “Te tataro e bon mwakuri!”
Kamataata n te tamnei iroun Susanna Teodoro