Au Taeka n te Euangkerio

Te Moan Mii ni Burabeti bon kawaran Iotebwa Timiti iroun Tamara are i Karawa ao Iesu Kristo i mwiin tatarona. E tangiria n ataia bwa te ekaretia ra ae e na kaaina. A tuanga Iotebwa bwa e na buoka barongaan ana Ekaretia Iesu Kristo i aon te aba.

Te Buakonikai ae Tabu ike e karekea te Moan Mii ni Burabeti iai Iotebwa Timiti. E bon mena n te buakonikai irarikin mweengan Iotebwa i Palmyra, New Your, USA.

Kaokan te bwai teuana e nanonaki ni kaokia nakon arona mai i mwaaina. Kaokan Bwaai bon are ti aranna bwa Iesu Kristo e uota Ana euangkerio ae eti n kaokia nakon te aba. E moanaki Kaokan Bwaai ngke Iotebwa Timiti e tia ni karekea te Moan Mii ni Burabeti. E teimatoa Beretitenti Russell M. Neslon ni karekei kaotioti ibukin te Ekaretia ngkai ara burabeti. E nanonaki n aei bwa Kaokan Bwaai e reitinako n te bong aei!

Kaotioti bon anne aron Tamara are i Karawa n taetae nakoira. Ti karekei kaotioti rinanon te Tamnei ae Raoiroi. E kona ni uotii namakin nakon nanora ao iango nakon ara kantaninga.

Kauka te PDF

Kamataata n te tamnei iroun Maddie Baker