E a rang Un E aki kona n Tataro

“Akea ae oota irou!” E takarua Gabriela ao e karebwea ni kaina mataroan ana ruu. Te bong aio e nakobuaka. Iai ae kangongooa n te reirei. Ao ngke e okira mwengana Gabriela, e a bwanokunoku ao n manga reke n te kangaanga iroun Mutti (Tinana).

E bwaka i aon ana kainiwene Gabriela ao e a tang. E waanako ranin matana , ao e namakina te un i nanona. E aki tangiria n kan namakina te aekaki aio.

E uringnga ae e reiakinna n te Moanrinan bwa e kona n tataro nakon Tamana are i Karawa ngkana e kainanoa buokana. E tangiria n tataro bwa ena buokaki n kabebeteaki, ma e a bon rangi n un eaki kona n iango raoi. E kamakiia matana ao e anaa ikena. Tera ae kona n karaoi ae e na rau nanona iai?

Imwiin tabeua te teekan, e a reke ana iango.

Iangoi bwaai ae ko karabwarabwa ibukina.

E kaurei matana ao e taratara nanon ana ruu. Iai tamneia Mutii ao Vati (Tamana) i aon te oo. E rang tangira ana utu Gabriela, e ngae ngkana e un irouia.

“I karabwarabwa ibukiia au karo,” e taku.

Ngkane e a iangoa ai tarina ma mwaanena ake Gwendolyn, Lydia, ao Thomas. Aki toki n titibwauai aia bwai n takakaro ma ngaia ao ni kakangarea. E tatangira n takakaro ma ngaiia.

“I karabwarabwa ibukiia ai tariu ma mwaneu,” e taku Gabriela.

Ngkane e a manga taara tinanikun ana wintoo.

E bwaka taai, ao karawa ea kaonaki n karaa aika tamaroa—aoranti, uraura, baboobo, ao te bingke.

“I karabwarabwa ibukin bwakan taai,” e taku Gabriela.

Ao ngkane e a manga iangoi riki bwaai tabeua. E karabwarabwa ibukin te katawanou are e kanna n ana reirei n te bong anne. E karabwarabwa ibukiia raoraona. E karabwarabwa ibukin ana auti are e maeka iai.

E kaunga iangoan bwaai aika ko karabwarabwa ibukiia! E a tibwa ataa mwaitin bwaai aika tamaroa i nanon maiuna Gabriela.

E ataia bwa te Tamnei ae Raoiroi e a tia n anganna te iango bwa e na iangoi ana kakabwaia. E a raoi nanona. E a tauraoi nanona n tataro.

“Tamara are i Karawa ae tangiraki,” e taku. “I kabwarabure ngkai I un iroun Mutti. Ko rabwa ibukin buokakiu bwa N na rau man manga kukurei. Ko rabwa ibukin karokoan te Tamnei ae Raoiroi bwa e na kauringai kakabwaiakiu. N aran Iesu Kristo, amen.”

E otinako man ana ruu. Mutti ma Vati a mena n te umwanikuuka ni karaoa te katairiki. E inga ma Mutti.

“Kabwara au bure.ngkai I un nakoim,” e taku Gabriela.

“E raoiroi,” e taku Mutti. “Ko rawa ibukin kabwaraan am bure.”

A tekateka n te taibora n amwarake ao ni kakabwaiaa kanaia. Ngkanne e a reke ana iango Gabriela!

“Tia kabutia iaora ao n taekina te bwai ae ti karabwarabwa ibukina,” e taku.

E wiingare Vati. “Anne te iango ae tamaroa!”

“I karabwarabwa ibukin te toobu,” e taku Mutti.

E iango tabeua te tai Vati.

“Pizza!” e taku. A bane ni ngare.

I mwiina ai ana tai Gabriela. E a kaman ataa te bwai ae e tangira n taekinna.

“I karabwarabwa ibukin te tataro.”

Kamataata n te korotamnei iroun Simini Blocker