Te Bwaintangira n te Tataro

Iroun Beretitenti Susan H. Porter

Beretitenti ni Kabuta n te Moanrinan

Anaaki man “Tataro, E Mena Ikekei,” Riaona,, Meei 2024, 77–79.

E a tia n anganiko Tamam are i Karawa bwain tituaraoi aika onoti. Bon te bwaintangira ae te tataro. Te tataro e kona ni buokiira n taainako, taabo nako.

I tangiria n tibwa teuana te bwaintangira ae ti kona n tataro ibukina.

1. Tataro bwa kona ataia.

Ngkana ti aki kona n noora Tamara are i Karawa ngkana ti tataro, tina kanga n ataia bwa E kakauongo?

E kaoko Beretitenti Russell M. Nelson bwa kona “bunnra nanom nakon Tamara are i Karawa. … Ao imwiina kakauongo!”* Ko kona n ataia bwa Tamam are i Karawa e ongo am tataro ngkana ko kakauonga nakon te namakina are i nanom ao iango ake a roko n am iango.

2. Tataro bwa kona rikirake.

E kanga arom n rikirake ae ko tangiria? Ko tangiria n karikirakea te rabakau ae boou ke karekeia raoraom aika boou? Ko kona n tataro bwa kona rikirake n riki n ai aron Iesu Kristo!

Raoraou ae boou ae Jonah e tuangai ae nanamakina te raraoma n te reirei. Ma ngke ea waaki n tatataro imwain te reirei, e namakina te rau. Jonah e tataro bwa ena rikirake ni katoa bong, ngkoe naba ko konaa!

3. Tataro bwa e na kaotaki.

Ngke i kairake I tatataro ibukin au utu. I tangiria n ataia bwa nna kanga n buokiia. Tamau are i Karawa e buokai ni kaotaai bwa I kona n riki bwa ana banna ni katooto ana euangkerio Iesu Kristo. Anne te bwai ae I kona ni karaoia!

Ngkana ko tataro ibukin am utu ke aika tangiriko, tai bwarannano! Tamara are i Karawa e na kaota nakoim te bwai ae ko kona ni karaoia. Ngkai ko bubuti ma nanom ibukin Ana ibuobuoki, kona karekea Tamneina bwa e na kairiko.

Au Tataro

Iangoi titiraki aikai n te tai are ko tataro iai. Ngkane karana te uee. Taraia ngkana ko kona n karana te iteraniba aio ni kabane!

Tera ae I tangiria n ataia?
E kanga arou n rikirakeae I tangiria?
Nna kanga n kaota ana tangira Tamau are i Karawa nakoia tabeman?