“E a Waaki Kaokan Bwaai,” Te Rao, Tianuare 2025, 24–25.

E a Waaki Kaokan Bwaai

Reiakina aron Iotebwa Timiti ngke e kairaki nakon kaokan ana Ekaretia Iesu Kristo.

Palmyra, New York (1820): Iotebwa Timiti ma ana utu a maeka ngkoa ikai. Kain ana utu Iotebwa Timiti a kakaokoro aia aroa ake a kaekaei, ao Iotebwa e aki ataia bwa tera te ekaretia ae ena kaainna. E warekia n te Baibara, “Ngkana akea ana rabakau temanna ibuakomi, ao e na butiia te Atua” (Iakobo 1:5).
Te Buakonikai ae Tabu (tain moan bwebweraken aroka n 1820): Iotebwa Timiti e tataro ao n bubutia te Atua bwa tera te ekaretia ae ena kaainna. Tamara are i Karawa ao Iesu a kaoti nakoina. A tuanga bwa bon akea naba te aro ae na kaainna. A weteia Iotebwa bwa ena buoka kaokan bwaninin ana euangkerio Iesu Kristo nakon te aba.
Ana ruu Iotebwa (1823): Te anera Moronaai e kawara Iotebwa Timiti. E tuanga Iotebwa taekan te bwaatua are e bwanin iai ana euangkerio Iesu Kristo. Ngke e taetae Moronaai, Iotebwa e mii ni burabeti n noora nnen te bwaatua are e taunaki iai.
Te Tabuki ae Kumora (1827): Te anera Moronaai e angan Iotebwa Timiti te bwaatua iaon te Tabuki ae Kumora. Iotebwa e karekei naba bwaai n ibuobuoki aika onoti ake a taunaki naba ma taian bwaatua. E a tia n katauraoia te Atua bwa buokana n raira te bwaatua. Te bwaatua ae rairaki aio e riki bwa Ana Boki Moomon are a kona iai natin te Atua ni kabane n warekii Ana taetae.