“Kaokan Bwai Bon Ibukim,” Te Rao, Tianunare 2025, 2–3.
Man te Moan Beretitentii
Kaokan Bwai Bon Ibukim
Anaaki man, “Ongo Irouna,” Riaona, Meei 2020, 88– 92.
Tera aei nanona iroumi bwa ana Ekaretia Iesu Kristo e a tia ni kaokaki nakon te aonaaba?
E nanonaki iai bwa am utu a kona ni kabaeaki n aki toki! E nanonaki iai bwa ngkana ko bwabetitoaki man kamatoaaki bwa te membwa n Ana Ekaretia Iesu Kristo, te Tamnei ae Raoiroi e kona ni mena iroum n taainako. E nanonaki iai bwa mwaakan te Atua ae te nakoanibonga e kona ni kakabwaiako ngkana ko karaoi berita aika a tabu ma Ngaia ao ni kawakini.
Ana burabeti te Atua ae Iotebwa Timiti bon am burabeti. Ngaia te moan burabeti n te Ekaretia ae e a tia ni kaokaki aio. Te kaotioti e teimatoa n raanganakon mairoun te Uea inanon tain kaokan bwai.
E maiu te Atua! Iesu bon te Kristo! E tia ni kaokaki Ana Ekaretia! Ngaia ma Tamara are i Karawa a tararuaira.
Kaoka tein te Tamnei
Nako iteraniba 6 ao n wareka bwa tera nanon kaokan bwai . Ao ngkane kataia kaoka tein te tamnei man korean mwakorona ake a bua!
Kamataata n te tamnei iroun Alyssa Petersen