Te Beeba ae “Kangaanga Karaoana”
I kona ni korea te bwangabwanga iaon te mwakoro ni beeba ae bon tau buburana n rin inanona. Ko aki kakoauai? Ko taku bwa e kangaanga karaoana? I berita, bon tiaki te bwai ni kamwane. Ko kona ni kabongana te reirei ni kabotau aei n reireiniia iai kaain am kiraati, te kooram, ke te utu ibukin onimakinan te Atua ngkana iai am titiraki—riki ake a bon “kangaanga”.
-
Titirakiniia kaain am kurubu ngkana a kakoaua bwa ko kona ni korea te bwangabwanga inanon te mwakoro ni beeba ae bon tau buburana bwa e na kona n rin te aomata inanona. E bon kona n riki, ae tabeman a na aki kakoauako.
-
Wareka Iotebwa Timiti—Rongorongo 1:23–25. Kabwarabwara ae angiina aomata aki kakoaua ae e a tia Iotebwa Timiti n noora te mii ni burabeti. Ma e ataia bwa e bon koaua.
-
Te tai ngkai ni korea te bwangabwanga!
-
Rukuma te beeba n iteranna mai nuuka.
-
Moana am korokoro iaon are e rukumaki, korokoro nako eeta mai tabon te beeba, ma tai karokoa i tabona.
-
Kaminoa kaokia ao n nako mooa man iterana man te maing nakon te atai, reitinako ni korei mwakoro ni beeba ni kairarikii (n aki koreia ni kabwaninna!).
-
Kiiba nakon mwakoron tabona ake uoua, korea nako are e rukumaki iaon te beeba.
-
Kaukia katangainaa, ao ikanne ane e a reke iroum—te bwangabwanga ae bon tau buburana ni kona n rin inanona!
-
-
Maroroakinna bwa e kanga aron te bwai ae kamangao taraakina ke e taraa ni kangaanga, ma anne tiaki nanona bwa e aki koaua. Iotebwa Timiti e bon noora Tamara are i Karawa ao Iesu Kristo.
Ana iai taai are e na kona ni kataaki am onimaki irouia tabeman aomata, ke ko kaitibo ma taian titiraki aika a kamangaongao. Ngkana e riki aei, iangoa taekan te beeba are e “kangaanga karaoana”. Baireia bwa ko na onimakina te Atua ao n rairaki Nakoina ao tabeua bwaai n ibuobuoki ibukin taian kaeka.
“Te onimaki bon kantaningaan bwaai aika aki nooraki ma a bon koaua. … Nanououa moa ni baike ko nanououa iai imwaain ae ko nanououa n am onimaki.”