Bwanaia Kairake
Au kangaanga n Taraakiu
Paulina M., ana ririki 18, Podlasie, Poland
E tatangiria ni katanga te waeorin, katanga biano, ao n wareware n taian novel.
N te reirei n te moanrinan iai au kangaanga ae bati n taraakin rabwatau ao I kataia ni bobo ibuako. I kataia ni karaoa te kamarurung bwa N na kona n reke taraakiu, ma I bon aki rauaki n taraakiu are n te tirotaam.
Imwiina tariu are ikawai e karekea ana kakabwaia te tamanuea, ao I a iangoia bwa N na karekea naba ibukiu. Ai 12 au ririki, ao n te moan tai I taku bwa I tuai n tau. Ma I tataro ao I marooro ma au bitiobi, ao I namakinna bwa I a tau.
Au kakabwaia te tamanuea e kauringai bwa Tamara are i Karawa e ata arou ao E atai bwaai au kangaanga aika I rinanona. E bon ata arau. E tatauraoi ni buokai ngkana iai nanou ni kan bubutiia.
N tabetai ko taraiko ibon iroum ao ko iangoia bwa ko aki roko n ana kainibaire ni botonnaine te aonaaba. Ma I a ataia ibon irou bwa ana taratara te ATua ibukiu e kakaawaki riki nakon aia taratara aomata. Ao ngkana I ataia bwa te Atua e noorai bwa ngai Natina, ngkanne bon ti anne ae I kainnanoia.