Te Rao ni Koaua

Joel A., 19 ana ririki, Yerevan, Armenia

E tatangira te korobanna, kabonganaan te kaombiuta, ao reiakinan rabakau aika a boou, n aron te kuuka.

Iai tabeman raoraou ake a kataia n anaa nanou ngke I mena imarenan te koraki itiua ao ruaiwa. N te moan tai I aki te roko n ataia ae a bwainingareai, ma ngke I karaoia, I bon kubanako ao n aki ataia ae I a tibanako.

I taku n au iango bwa ngkana I karaoa te bwai are e karaoia Kristo, a na nakoraoi bwaai ni kabane. Ngaia are I a teimatoa ni kakaraoa ae raoiroi, ni buokiia kaain au kiraati ma aia bwai n reirei are a na karaoia ni mweengaia, ao n onimakina te Atua, n onimakinna bwa n te tai teuana e na reke raoraou ae tamaroa. N te moan tai, e taraa n ae tii teutana te bitaki. Ma imwiin reireiu n te kauarinan, kaain au kiraati bon aomata aika a rangi n tamaroa.

Ma ae kakawaki riki, inanon ririki akanne ngke I tabe ni kakaeiia raoraou , I kunea bwa raoraou ae moan te tamaroa bon Iesu Kristo. Ma tiaki n ae a tii reke raoraou n te reirei, ma e a bon reke naba Raoraou ae te kabanea n tamaroa ae I kona ni karekea.