N na kanga ni karekea au kakoaua ae moan te korakora ibukin Iotebwa Timiti ao Kaokan bwaai?”

“Te bwai ae I a tia ni karaoia ni kakorakora au koaua ibukin Kaokan bwaai bon warekan rongorongon te moan kaotioti ni katoa tairiki imwain matu. Ngke I wareka rongorongon Iotebwa Timiti ngke e kamaiuaki ao n tei imatan te Atua, I namakina bwa I kaan riki ma ootan te Atua ao anne e buokai n ataia bw E mena ikanne.”

Eve T., 16, Chorley, UK

Ngke I ataia bwa e tuai reke au koaua ibukin Iotebwa Timiti, I a monna ni wareware n te boki ae atuunaki n Saints. I ataia bwa e rangi ni korakora ao ni kamiimi aron ana taneiai Iotebwa Timiti. I namakinna naba bwa e raonai te Tamnei ngke I tataro ibukin ana Boki Moomon. I a moanna ni buokiia mitinare ao n te tai aei I aki kona ni katoka tataekinan kakoauan Iotebwa Timiti ao Kaokan bwaai nakoia aomata .”

Abish N., 18, Negros Oriental, Biribin

“E tuangiira te burabeti bwa ti na kamatebwaia maiun Kristo bwa e na buokiira ni karekea ara koaua Ibukina ao Ana Mwakuri ni Kamaiu. Bon titebo ma are e karaoia Iotebwa Timiti. Ngkai I kamatebwaia maiuna, e a reke au koaua ae moan te matoatoa ibukin Kaokan bwaai ao ibukin Iotebwa ngkai te moan burabeti ni koron boong. I a moanna ni mataata riki bwa bukin tera ngkai e kaokaki ana Ekaretia Iesu Kristo.”

Asher W., 17, Louisiana, USA

“Karaoa are e karaoia Iotebwa ao bubutiia te Atua! Bwaina te taotaonakinnano; e na bon roko te kaeka.”

Anna W., 17, Colorado, USA

“Te tataro bon te kawai ae moan te bebete ibukin karekean am koaua ibukin Iotebwa Timiti ao Kaokan bwaai. E a tia te Uea ni kaekaa te tataro aei ibukiu ao ibukiia riki aika a mwaiti—e na karaoa naba anne nakoim. N ae titearona, kamatebwaia aia kakoaua taan kakoaua n ana Boki Moomon.”

Andrew N., 18, Washington, USA