Rinea te Tembora

Te tembora ae I rangi ni kaan ma ngaia e mena n te aba teuana. Aron te roko ikekei, ti riai ni kiba n te maan ae 45 te miniti ke 12 te aoa te mwananga n te booti. I bon tuai man roko n te tembora mai imwaaina, ao n au kabanea n ririki n te reirei, e karaoa ana babaire tinau ibukira bwa ti riai n nako. E a tia ni kawakinmwane inanon te ririki bwa ti aonga ni bane n nako ma au utu.

Te kangaanga, ti na bae n okira mweengara imwiin teiraken te reirei, are I a bon raraoma iai. E kakawaki n tainako irou bwa e na riai n raoiroi mwiin au bwii n te reirei (GPA) bwa e aonga n reke au tikaraotibu ibukin reireiu n te kuura are e rietaata. Bon akea iangoan te kan nako n te tembora irou, ibukina bwa ngkana I aki roroko n reirei e na kona n rootaki iai au Bwii. Ngkanne e taku tinau, “Bukin tera ngkai ko aki tataro ao ni butiia te Uea buokam?”

Kanga I kuri n rawa ibukina ngkai I maaku, ma I baireia bwa N na tataro. E kairiirai Tamau are i Karawa, ao I rineia bwa N na nako n te tembora. N te wiiki aei bwanin inanon menara ikekei, ti nanako n te tembora ni katoa bong. E bon rang kamimi! Karaoan te mwakuri ni bwabetitio bon te taneiai ae moan te kamiimi, I kona n namakina korakoran te Tamnei.

N tokin te tai, I kataia ni kabanea au reirei ma mwiin au Bwii ae raoiroi. Kateimatoaakin te reitaki ae kaan ma te Tia Kamaiu e buokai ni karekea te kantaninga n te tai anne. I ataia bwa E mena irarikiu, n anganai te korakora. Te Atua e atai ara konabwai, ao ngkana ti katikui bwaai inanon baina, ti kona n onimakinna bwa a na nakoraoi bwaai ni kabane.

I bon rangi ni kakaitau bwa e ninikoria mwaaneu ni kaoiia mitinare nakon mwengara. Ngai ma Ngaia bon taan moan bwabetitoaki man ara utu—bon 13 au ririki ni maiu ao ngaia bon 15 ana ririki. I ataia bwa Ngai bon te nati ae tangiraki iroun Tamara are i Karawa. Bon akea tamau irarikiu inanon maiu, ma e buokai n ataia bwa iai Tamara are i Karawa ao I karikaki n oin Katotongana. I namakina Ana tangira ibukiu, I ataia bwa inanon taai ni kangaanga, E bon memena irarikiu.