Ivan B.

Tamnei iroun Ashlee Larsen

Bon tii Ngai kain Ana Ekaretia Iesu Kristo ibukiia Aika Itiaki ni Boong aika Kaitira n au reirei. N te taina n tain te bootaki ibukin te koro n ririki, a moanna ni manging raoraou. I namakina te aki mweengaraoi ao n oki nakon mweengau. Ngke a titirakinai bwa tera bukina ngkai I moantaai n nako, I kangai I aki mamanging ao n namakina te mweengabuaka. A aki tangira te aekaki ni kaeka anne ao kanga a kubanako ao a miimi iai. Ma inanon te tai, ao a kukurei iai raoraou akanne.

N te tai teuana, e a butiiai au tia reirei bwa N na tibwaua au marooro n rongorongon te Ekaretia iaon te PowerPoint. A mwaiti raoraou ao iai aia titiraki, ao I namakinna bwa e angareirei Iesu Kristo mairou. Ngkana ko tibwa am koaua, ko riai n aki maaku ibukin aia iango tabeman. Ngkana ko onimakina te Uea, E na kona ni buokiko n ataa te bwai ae ko na taekinna.

I kan nako ni mitinare bwa I aonga ni kairiia tabeman nakon Kristo. I kakoaua bwa te Tia Kamaiu e anaa buren te aonaaba ao ni katokaa iaona. Ti kona ni bobota Iteraera ao ni kaoiia aomata nako bwa a na Nakoina.