Titiraki, Kunean Kaeka: Te Banna ni Katooto are e Kateia Iotebwa Timiti,” Riaona, Tianuare 2025.
Nakomai, Iriirai
Iotebwa Timiti—Rongorongon 1:1–26
Titiraki, Kunean Kaeka: Te Banna ni Katooto are e Kateia Iotebwa Timiti
A Pillar of Light, iroun Dan Burr, e naaki kaeweaki ke ni karaoaki katotongana
N 1820, Iotebwa Timiti, te ataeinimwaane ae 14 ana ririki man te tabo n manman i New York, e reke irouna te Moan Mii ni Burabeti ae kamiimi are e mwaakena moanakin bwaai aika a boou n te aonaaba ni kabutaa. Aikai teniua titiraki ao kaeka ibukin kakorakoraan ara koaua n te Moan Mii ni Burabeti.
Tera ae ti konaa n reiakinna man aron Iotebwa Timiti n titiraki?
E ukora kabwaraan ana bure ao kaeka nakon ana titiraki Iotebwa. E tangiria n ataia bwa te ekaretia ra ae na kaainna. E kaekaaei ekaretia aika a kakaokoro ao e nakon te Baibara ibukin kaeka. Iakobo 1:5 e kaungaa nanona n titirakina te Atua, are bon ngaia koauan bwaai nako. (Taraa Iotebwa Timiti—Rongorongo 1:10–13.)
Ngke e katauraoia Iotebwa bwa e na tataro, e kunea te tabo ae e mabu man rau. N te totoko are e kaitaraa n moanan ana tataro, E kabongana korakorana “[ni] kabane Iotebwa ni wetea te Atua bwa e na kamauia[ki]” (Iotebwa Timiti—Rongorongo 1:16) ao e karekea te kaeka nakon ana titiraki (taraa kiibu 18–19).
Man are e rinanona Iotebwa, a mwaiti aika ti kona n reiakinna ibukin te onimai, tataro, ao karekean taian kaeka. E kakaawaki n ataaki bwa ngke e karekei taian kaeka Iotebwa nakon ana titiraki n miina n burabeti iroun te Tama ao te Nati, e kabanea maiuna n reitinako n ukori kaeka mairoun te Atua n te tataro. A roko kaeka aikai man ririki aika a bwakanako ngke teimatoa n ukora, ongeaba, ao n onimaki bwa e na kaekaaki iroun te Atua.
E reirei Beretitenti Russell M. Nelson, “Te Burabeti Iotebwa Timiti e katea te banna ni katooto ibukira bwa ti na iria ni kaekaan ara titiraki”:
E kakaawaki te Moan Mii ni Burabeti nakon au koaua?
E mwakena moanan Kaokakan ana euangkerio Iesu Kristo te Moan Mii ni Burabeti ae reitinako ni karokoa te bong aei. N te tiburing anne n 1820, e taetae te Atua ma Iotebwa, kaekaaki Ana tataro, ao e anga te kairiiri are e karokoa nakon katean ana Ekaretia Iesu Kristo teuana riki te tai i aon te aonaaba.
Ngkana ti kakoaua bwa te Uea e a tia n taetae nakon Iotebwa, ngkanne ti kona ni kakoaua bwa E kona n taetae nakoira. Ngkana ti kakoaua bwa E a tia n manga katea Ana Ekaretia iroun te Burabeti Iotebwa, ti kona n onimakinna bwa E reitinako ni kairiira rinanon ara burabeti ae ngkai, ae Beretitenti Russell M. Nelson.
N aron Iotebwa Timiti, a karekei kaotioti burabeti aika a maiu ni kaira te Ekaretia. E taku Beretitenti Russell M. Nelson, “Ngkana ana atatai Iotebwa Timiti mai i karawa n te Buakonikai ae Tabu e reireiniira bwaai ni kabane, e kangai bwa e nora karawa bwa e kaukaki ao e taetae te Atua nakoia natina.”
Ma te koaua n te Moan Mii ni Burabeti, ara onimaki iroun te Uea, Ana Ekaretia, ao reitinakon kaotioti ae E anga nakoia ara burabeti ao abotoro ni boong aikai e kakorakoraaki.
Ti na kanga ni karekea ara koaua n te Moan Mii ni Burabeti?
E ngae ngke e kakaokoro kawain temanna n karekea rairakina, a kainnanoa te kamatoa aomata n tatabemaniia iroun te Tamnei ae Raoiori bwa aonga ni karekea aia koaua n te Moan Mii ni Burabeti ao koaua tabeua n te euangkerio.
E reirei Beretitenti Jeffrey R. Holland, te Bonomwi ni Beretitenti n te Kooram n Abotoro n te Tengaun ma Uoman, Kaota am titiraki ma raraomam ma te kokoaua, ma te moan ao ae akea tokina kakorakora uran am onimaki, ibukina bwa ni kabane bwaai a kona n karaoaki nakoia ake a kakoauaa.”
Te tataro bon te kiing n kaukan te mataroa nakon kaotioti iroun temanna ibukin taekan te Moan Mii ni Burabeti—ao ni kabane riki titiraki. Butia te Atua. Butia ngkana e bon noora ni koaua te Tama ao te Nati Iotebwa. Ukora te Tamnei, onimakina te Uea, ao teimatoa ni kataia. Ko kona n roko n taekina are e karaoia Iotebwa: “I [ataia], ao I [ataia] bwa te Atua e [ataia], ao I [aki] kona ni kaakea” (Iotebwa Timiti—Rongorongo 1:25).