Liège, Belgium

E taraa n moan roko ana ekaretia Iesu Kristo ae kaokaki i Belgium ngke e moana ana reirei te aomata ae rairaki nakon te Ekaretia mai Turkey, ae Mischa Markow n reireinaia te utu ae te Esselman n te 1888. Imwiin bwabetitoaia, a moana aia beku mitinare i Switzerland ao Tiaman i Belgium. Inanon uoua te namwakaina, 80 mwaitiia aomata ake a kaaina te Ekaretia, ao e barongaaki kaain te taromauri i Liège, Brussels, ao Antwerp. N te bong aei, Ana Ekaretia Iesu Kristo Ibukiia Aika Itiaki ni Boong aika Kaitira Belgium iai:

• mwaitiia kaain ae 6,600 (katautau)

• 2 titeiki, (11 uoote, 2 mwaanga)

• 1 te tembora (ae e a tia ni katanoataaki 2021, ae na kateaki i Brussels)

Kakabwaia man Kamatebwaian Koroboki aika Tabu

E taekiniia ana utu Karen Wery man te Uoote ae Namur: “Ti bootaki ni kamatebwai koroboki aika tabu ao n tibwai ara iango ao kairi ake a reke iroura i marenara. Ti kabonganai koroboki aika tabu ma taian witeo naba ao booki ni ibuobuoki tabeua, n aron te Rao maekatiin, ni buokiia ara ataei bwa a na mataata riki n te reirei. Mwiina ae bubura nakoira bon rikiraken te katiteuanaaki i nanon ara auti.”