Rongorongo ni Kairiiri man te Aono
A Uki Karawa
Kaokan ana euangkerio Iesu Kristo e waaki inanon 1820 ngke te ataeinimwane, are e na riki bwa te Burabeti Iotebwa Timiti, e butiia te Atua bwa te ekaretia raa ae e na kainna. Imwiin anne, kaotioti mai karawa a kaokaki nako aon te aba aana te koaua iaon aron te Atua, ana kariaia n Ana nakoanibonga ao Ana baire ibukin kamaiuakiia aomata.
E reirei Beretitenti Russell M. Nelson bwa Kaokan bwai e reitinako ni karokoa boong aikai ngkai e maiu, aan ana Ekaretia Iesu Kristo ibukiia Aika Itiaki ni Boong Aika Kaitira e rikirake.
N te rongorongo aei, ti kunei ana reirei tabeua aika a tamaroa Beretitenti Nelson iaon Kaokan bwai ao nanona are e nanonaki nakoira ao te aonaaba.
Kaokan bwai bon te Mwakuri ae Reitinako
Inanon 2020, Beretitenti Nelson e kabwarabwara kauringaan ana ka 200 n Ririki Ana Moan Kaotioti Iotebwa Timiti. E kaota koauan Ana kantaninga te Atua ake a reitinako rinanon kaotioti:
Te katanoata aei e kamatoa bwa rinanon kaokan bwai, te Atua e a tia ni manga kaota riki Ana kantaninga, kauka karawa, ao ni karekei kainnanoia aomata ni kabane ake a nakon Kristo.
“Ti kukurei n taekinna bwa te berita ni Kaokan bwai e na reitinako rinanon kaotioti aika reitinako. Te aonaaba e na aki tiku n arona, ngkai te Atua e na ‘boti bwaai ni kabane aika bwain karawa ma bwain aonaaba inanon Kristo’ (I-Ebeto 1:10).”
Beretitenti Nelson e kananona n te koaua aei inanon 2018 ngke e kangai:
“Ti a kakoaua nakon karaoan kaotioti … ngkana ko taku bwa te Ekaretia e a tia n tabwanin raoi kaokana, koa tibwa noora moan waakinana. A mwaiti riki aika a na roko. … Taninga te ririki ae e na roko. Ao ngkanne te ririki are imwiina. Kang ami bwatin aika waitamin. Karekei motirawami. E na rang kaunga.”
Tibwangan Iotebwa Timiti ae Kakaawaki ni Kaokan bwai
Inanon 2021, Beretitenti Russell M. Nelson e kaota ana kakoaua bwa te Burabeti Iotebwa Timiti “bon te burabeti n koron bong … te koaua n tibwangan te Burabeti Iotebwa Timiti ae kakaawaki ni kaokan bwai ibukira ni kabane ngaira ake ti tataekina ana euangkerio te Uea.”
E kabwarabwara:
“Ti mimi n aron Iotebwa ni kona ni katai ni kabane bwaai ake e karaoi ni kimototon ana tai ni maiu. Ana mwakuri aika rianako a kona ni kaotaki man kamimiin ao mwaakan te Atua ae Moan te Mwaaka ae akea kabotauana, te Uea Iesu Kristo ao kain karawa riki aika a mwaiti. …
“E kawaraki Iotebwa irouia, ke e noora te mii ni burabeti, tengaun tabun burabeti ao anera ake ngkoa…Rinanon taneiai aika a kamimi, Iotebwa Timiti e mataata bwa wanawanan te aonaaba e kabwaka ngkana e kabotauaki ma te ataibwai mai karawa.”
Ngkanne Beretitenti Nelson e kaoira bwa tina iangoa ana anganano Iotebwa Timiti nakon oin ara atatai ni kaokan te euangkerio:
“Angiin rabwatan ara boki aika tabu ae kakaawaki a kaotaaki rinanon te Burabeti Iotebwa Timiti. Rinanon teuaei ti karekei riki iteraniba man koroboki aika tabu ni kabotauaki ma burabeti riki tabeman.”…
“Rinanon Iotebwa Timiti, te Uea e uoti rake koroboki aika tabu ake E ataia bwa a kakaawaki ibukiia Ana reirei bwa a na matata iai. A reireia taekan ana babaire ni kakukurei te Atua ae akea tokina ao kawain Ana berita ae tabu nakon te mimitong ae akea tokina.”
Te Kabaeaki inanon te Mwakuri ni Kaokan bwai
Kakoauan Kaokan bwai iroun ara burabeti Russell M. Nelson ae korakora e aki kona ni kakeweaki:
“I aki kona n taekina Kaokan bwai n akea au namakin ae korakora iai. Te koaua n te rongorongo aei e bon kamimi! E bon tamaroa! E anaa te nano! Ai tamaroara ngkai taan uarongorongo mai karawa a roko n anga te kariaia ao te mwaaka nakon te mwakuri aei?
“Ni boong aikai, ana mwakuri te Uea n Ana Ekaretia Iesu Kristo ibukiia Aika Itiaki ni Boong Aika Kaitira e waaki nako ni birina ae rarakarake.
E kairiira ni kabane bwa tina kabaeaki n te mwakuri ae waakinako n Kaokan bwai, man ikotakiia Iteraera ni kauaitera n te rabuna ao ni katauraoa te aonaaba ibukin manga okin Iesu Kristo nakon te aonaaba
E kauring Beretitenti Nelson bwa ni boong aika imwaira a na bon aki beebete.
“E burenibwai n taai aika a roko bwa e na beebete ke e na kinaaki ae Itiaki ni Boong aika kaitira ae kakaonimaki. Ngaira n tatabemaniira tina kataaki. Te Abotoro Bauro e kauring bwa ni boong aika kaitira, naake a teimatoa n iriira te Uea “a na bwainikiriinaki” (2 Timoteo 3:12). Te bwainikirinaki anne e kona ni komakiiko inanon te kainabwaabu ae mamaara ke e na kaungaki bwa kona riki bwa te banna ni katoto ao n ninikoria inanon maium ni katoa bong.”
Imwiina e kaurigiira aron te Uea ni kakorakoraira inanon Ana mwakuri:
“Arom n rinanon kataakin te maiu bon mwakoron karikirakean am onimaki. Te korakora e roko ngkana ko uringnga bwa iai rikim mai karawa, ni bwabwai ni kakabwaia ae akea tokina … Ngkai ko nakonako ni kawain te Uea n te etieti, kona kakabwaiaki bwa kona reitanako Ana tamaroa inanon Raoiroina ao n riki bwa te ota ao te tia kamaiuia Ana aomata” (taraa Reirei ao Berita aika Tabu 86:8–11).