Ana Tangira Ara Tia Kamaiu Rinanon Rongorongon te Utu

Ngkai ti bukamarua bungiakin ara Tia Kamaiu, Iesu Kristo, ti uringa te bwaintangira ae moan te kakawaki are E na nakoira n tatabemaniira rinanon Ana Mwakuri ni kamaiu—te bwaintangira n te maiu ae akea tokina ao te karietataaki.

Ngkai “Taan Kamaiu iaon Maungan Tion”i, ti kona ni karaka the bwaintangira aei nakoia ara bakatibu rinanon otenanti n te tembora. Rongorongon te utu ao mwakuri n te tembora a karekea buokara bwa tina buokiia naake a roko imwaira bwa tina kamaiuiia, n anganiia aia tai ni butimwaea mwaakan ana kamaiu Kristo.

Marie Purcell, man te Massey Park Uoote i Auckland New Zealand Papatoetoe Titeiki, a karekea te kimwareirei n te mwakuri aei ngke neiei ma ana karo a kabaea tibuia, Afele Schwenke, nakon ana utu—te kakabwaia ae e aki karekea n ana tai ni maiu e ngae ngke e beku ma te kakaonimaki n Ana Ekaretia Iesu Kristo ibukiia Aika Itiaki ni Boong Aika Kaitira.

Afele Schwenke, e bungiaki n Eberi 10, 1912, e nene wakaan ana onimaki man babane nanona nakon ana utu. N ikotaki ma buuna Soala, Afele e buokiia mitinare mai Malaela, Aleipata e kaniia uabwi te ririki. Taanga aikai a kauka mweengaia nakoia mitinare, n bubuti bwa na tiku n mweengaia n te auti n Imatang ngkai Afele, Soala, ma natiia a maeka ni mwengaia n aia fale i Samoa. Arona n akoi e tiku bwa te bitaki ae tiku mwiina, ao mweengana e a riki bwa te tabo ibukin reiakinan te euangkerio.

E ngae ngke Afele e korakora ana koaua ao e kakaonimaki ni kabwaka ana kabwianibwai ae bwanin, e inimaki ni maiuakinan Tuan te Mauri. Tangiran te Ekaretia irouna e aki kona ni keerikaaki, ma e motirawa inanon 1967 n aki karekea te kakabwaia n te tembora.

Ririki ake imwiina, ngke e karekei rongorongon te utu, Marie ao ana karo a kunea bwa kabaeakin tinaia nakoia ana karo e tuai n tauaki mwiina. E waekoa Marie n namakina te wirikiriki ae korakora—tiaki ti kainnanoan ana kabaebae tinana are e na katiaki, ma bon tibuna te unimwaane naba Afele. E kaoti moana n ana iango, ao e ataia neiei bwa e riai ni katiaki te mwakuri n te tembora.

N onimakinan te wirikiriki aei, te utu a bairea aia tai ibukin te kabaeaki. E ngae n anne ngke a roko n te tembora, Marie e a ataia bwa e tuai bwanin aia katauraoi ibukin beeba ake a kainnanoaki. A waaki nako ma otenanti ake tabeua, ma n te ruu ni kabaebae, a uaia Marie ma tinana n namakina te nanokawaki mai kiiraroa ni katukan te otenanti n aki katiaa.

A nanomatoa ni katia te mwakuri, Marie ma ana karo a manga bairea riki aia tai teuana. N Eberi 6, 2024, a manga oki nakon te tembora, n onrake n te tauraoi. Marie ao tamana a tei ibukiia tibuna, ma a ataia bwa a mena ikekei n te tai are a roko iai.

Ngke e wetea aran tinana te tia kabaebae, te namakin ae nano ae rau e toka iaoia. E uringa wawanakon rannimatana Marie ngke e tia te otenanti.

Rinanon ana Mwakuri ni kamaiu Iesu Kristo ao te mwakuri ae tabu n te tembora, Afele Schwenke ma kainnabana, Soala, a karekea te kakabwaia ae akea tokina.

Ngkai taan kamaiu iaon Maungan Tion, ti kona n anganiia ara bakatibu te bwaintangira are e anganiira Kristo. Uringan te taneiai ni kabaeakiia tibuna, Marie e tibwaia, “I kakoaua bwa te kimwareirei are e roko man karaoan rongorongon te utu e uota te kimwareirei ae akea tokina.”

“I a tia n namakiniia naake n iteran te rabuna are teuana rinanon te mwakuri ae korakora man tamaroa. Ao I ataia bwa a inga ma te kimwareirei ni karekean otenanti aika tabu aikai, ngkai I inga ma te kimwareirei n te itera aei n te rabuna ni katiteuanaakiia au utu n akea tokina.”

Mwaakan te kabaebae e kauringnga neiei te kakabwaia are e riaon te rabuna n te Mwakuri ni kamaiu. Ngkai e kakao n Reirei ao Berita aika Tabu 128:22, “tiaki ae ti na waaki n te mwakuri ae rangi ni kakawaki?” Te Kiritimati aei, tina bukamarua bungiakin te Tia Kamaiu tiaki ti ni karekean Ana bwaintangira n te kamaiuaki ma n anganiia naake a tia n nako imwaira, ni buokiia n karekea te kakabwaia ae akea tokina n te euangkerio.