Ana Kakabwaia te Uea bon 30 te Miniti

Ngke e kiitana ana aobiti Jacinta Mauafu n te bwakanako n tai imwiin tian tabeua ana mwakuri aika kataweaki ao man kakaawaki, e kawaekoa n okira mweengana nakon buuna are e a rang aoraki, Maeli Maika Mauafu. Ana manatia n te tai anne e aki toki n tuanga Jacinta bwa e na karimoa moa ana mwakuri te Uea, ao imwiina e na kakabwaiaki. E kakoaua Jacinta bwa ngkai e karaoa ana mwakuri te Uea, kainaaba e na bon buokaki. Ngaia are, e riki bwa te katounako irouna ngke e mate Maeli bon te itera n aoa imwiin okiran mweengana.

N aki kona ni karekea rauna n te namakin aei inanona ao n ana iango, e taekina marakin nanona mai kabin nanona are e namakinna ni buan Maeli, ao n taekinna ma te koaua, e namakina te mwamwanaaki ibukina te Uea e aki kakabwaia, e ngae ngke e teimatoa ni mwakuri n aoa aika a mwaiti ni katia te mwakuri n rairairi ibukin te Ekaretia n taina are e baireaki iai. N onean mwiina, te Uea e ana kainabana.

N rangi n nanokawaki ao n un n te bwai are e riki ae aki kantaningaaki, Jacinta e baireia bwa e aki manga oki n mwakuri – e a tia n rang korakai n rootaki iai. Imwiin ana taunimate Maeli, aomata a teimatoa n tareboniia Jacinta ni kakaea bwa nningai ae e na okira iai te aobiti. Ana ibuobuoki Jacinta ni kabanean warekan te karikiram n te bokinreirei iaon Ana Reirei te Burabeti Iotebwa Timiti e rang kainnanoaki n te tai ae waekoa. N tokina e tuangiia Jacinta bwa e a aki okira te mwakuri. E ngae n anne, anganakina te mwakuri anne n te karikirum, e kariaia bwa e na oki ma e na ti katia te karikiram anne. Inanona kaetan te koroboki, Jacinta e reiakina uruakin nanon te burabeti are e a rinanona. Kainnaba, Julina, e a tia n rang n aoraki ao e ngae ngke e rang n tangiria ni kan tiku irarikin ana kainiwene Beretitenti Timiti n raonna, e bubutiia bwa e na kitanna n nako ni karaoa ana mwakuri te Uea. Te tai ae kimototo imwiina, ngke e anga ana maroro n te bootaki n taromauri, e roko temanna ni kawaria n te ruu ao n angan Beretitenti Timiti te koroboki ae uarereke – e kaongoa bwa e a motirawa kainnaba.

A waanako ranin matan Jacinta ngkai e a ataia bwa te Uea e aki kitanna! E a tia n anganna 30 te miniti n raona Maeli imwain matena. Anne bon ana kakabwaia! E a tia n anganaki neiei 30 te miniti. Ngkai n te uruaki n nano are e a tia n rinanona, e tang Jacinta ibukin Beretitenti Timiti are e karekea te aekaki ni kakabwaia ae 30 te miniti n raona buuna.

N te bong aei Jacinta e taetae ma te nanorinano ibukin ana reitaki ma Tamana are i Karawa. E namakinna bwa E mena ikekei n tainako ibukina – ao n tanrikaaki, e kona n atai aro aika a mwaiti are E na boutokaia iai ao ni kakorakora.

Natin Jacinta te aine, Blanche, e oki nako Samoa ao e riki bwa ana bwa – neiei e a tiia ni kamatebwai i abatera. Natin Jacinta te mwane, JR, e teimatoa n reitaki ao e anganga te tangira ao te boutoka, ao tibuna te mwane ae e a ikawai e anganganna te tangira ae moan te mwaiti are e kona n anga.

E bane ana iango Jacinta ni matoa iaon ana euangkerio Iesu Kristo ao e reitinako n riki bwa ana reirei Kristo. Bon te tina ao te tibu ae moan te mwaiti ana tangira, ao e kakatonga ni beku ibukin te Uea. E teimatoa n riki bwa te tia mwakuri ae bwanin ana tai n te Bootaki ni mwakuri ibukin te Raitaeka n te Ekaretia, ao ngaia te Beretitenti n te Bootaki n Ataeinaine, te tia reirei n te YSA, te tia reirei n te Intitute n te Katauraoi nakon te Tembora, ao te batiriteita n te Riki n Toronibwai. Ni katoai nakoana ake e karekei, e kakaonimaki n taratarai kawai ake e kona iai ni buokiia aine n ana uoote ao e kimwareirei n angareirei nakoia Ataeinaine n aroia ni beku ngkai a karikirakea aia konabwai iaon te kairiiri. Inanon Beberuare, a ikotaki Kairake n Ataeinaine n ikoti bwaai ake a kainnanoaki ibukin te kaitiaki n nikiri irouia aine ake akea buuia n te Uoote ibukin te bong n Valentines, n raonaki ma keeke n te mwangko ake a karaoi aia Aetuwaitia. Temanna te witou e taku bwa e namakina te kakabwaiaki ngkai e kona n uringaki. Te witou ae aki kona ni kiitana mweengana e kakaitau ibukin akoakina irouia Ataeinaine ao ni kukurei n rokoia – te kananokawaki bwa e motirawa uoua te wiiki imwiina – ma tiaki imwain ae e namakina ana tangira te Uea, teuana riki te tai, rinanoia Ana toro.