O Le Folafolaga i le Aiga—O Afioga mai le Atua

O lenei konafesi aoao ia Oketopa 2025 ua faailoga ai le lona 30 o tausaga o le “O Le Aiga: O Se Folafolaga i le Lalolagi.” E ala mai i se mamanu faalelagi, na fatuina ai lenei folafolaga, faatasi ma ona upu faafaaaliga ina “ia tausisia ma faamalosia ai le aiga o le iunite faavae o le lalolagi.”

E tofu tagata uma ma se aiga, pe o oe o se tina, tamā, afafine, atalii, atalii o le fanau, matua matutua, uso o le tina, uso o le tama, tuagane, tuafafine, po o se tausoga. O le mea e sili ona taua, o i tatou taitoatasi e pei ona ta’ua i le folafolaga, “o se atalii po o se afafine faapelepele o ni matua faalelagi … [faatasi] ma se natura ma se taunuuga paia.”

Ina ua tofia a’u i le tulaga faaaposetolo paia i le 2015, sa fautuaina a’u, “O lenei folafolaga ua avea nei mou. O lou igoa [a o tusi faasino i upu ‘Aufono a Aposetolo e Toasefululua’ i le igoa] lea e i ai ii. Tagotago i ai ma aoao atu e faapei o oe e ana.”

Ou te fiafia i le folafolaga i le aiga. Ua ou molimauina atu i le salafa o le lalolagi mai Aferika i Ausetalia ma soo se mea i le va o le matafaioi a le aiga i le fuafuaga e faavavau a le Atua. O le folafolaga e i ai se afuaga paia, e tatau ona tatou taulimaina ma le migao afioga faamemelo mai le Atua.

Manatua, uso e ma tuafafine, pei ona ou fai atu i se konafesi aoao ua mavae mai lenei lava pulelaa, “E taua upu.”

Sei ou tuuina atu ni nai talaaga e uiga i le folafolaga e avea o se feau autu o mea ua tatou talitonuina.

I le 1994, e tasi le tausaga a o lei tuuina atu le folafolaga, sa talanoaina ai e le Korama a Aposetolo e Toasefululua le ala ua o ese ai sosaiete ma malo mai tulafono a le Atua mo le aiga, faaipoipoga, ma le itupa. “Ae e le o le mutaaga lena o mea na matou vaaia,” sa faamalamalama mai ai e Peresitene Russell M. Nelson i se taimi mulimuli ane. “Sa mafai ona matou vaaia taumafaiga a afioaga eseese e o ese mai tulaga faatonuina uma ma tapulaa o gaoioiga faalefeusuaiga. Sa matou vaaia le fenumiaiga o itupa. Sa mafai ona matou vaaia le oo mai o ia mea uma.”

Sa filima’oti le Toasefululua e tapena se pepa o faamatalaga, se folafolaga aloaia, e aotele ai le tulaga o le Ekalesia e faatatau i le aiga. I lena tausaga, sa tapena ai e nei Aposetolo, tagatavaai na valaauina e le Atua, se tautinoga e uiga i le aiga. Sa manatua e Peresitene Dallin H. Oaks sa latou liliu atu ma le agaga tatalo i le Alii mo “mea e tatau ona [latou] fai atu ai, ma pe faapefea foi ona [latou] fai atu ai.” Sa latou tauaaoina atu i le Au Peresitene Sili—Peresitene Howard W. Hunter, Gordon B. Hinckley, ma Thomas S. Monson—mo la latou loiloga.

Na o ni nai masina mulimuli ane ia Mati 1995, sa tuumalo ai Peresitene Hunter ma na avea ai Peresitene Hinckley ma Peresitene lona 15 o le Ekalesia. Ua i ai nei le folafolaga i ona aao. O afea le taimi tonu e fai ai lenei tautinoga i le Ekalesia? Na oo mai lena taimi i le ono masina mulimuli ane.

O aso a o lumanai le 23 o Setema i le fonotaga aoao a le Aualofa lea na taimua i le konafesi aoao, sa fono ai Peresitene Hinckley ma ona fesoasoani e fefautuaai ma le Au Peresitene Aoao o le Aualofa. O tuafafine, pei foi o Aposetolo, sa mamafatu foi le popolega e uiga i tamaitai ma aiga. Sa latou taula’iina le fonotaga na loma i aiga.

Sa faatulagaina Peresitene Hinckley e saunoa i le faapotopotoga a tamaitai. Sa mafaufau loloto o ia i le taitaiga o lana saunoaga. A o faagasolo le talanoaga, sa ia faasino i le igoa na faatoa fatuina ae lei faalauaiteleina “O Le Aiga: O Se Folafolaga i le Lalolagi.” Pe o lenei sauniga a tamaitai o le faatulagaga tonu lea e faia ai le tautinoga ma’oti e uiga i le aiga?

Na faamatala mulimuli ane e le Peresitene Aoao o le Aualofa, o Elaine Jack: “Matou te lei iloaina pe o le a le folafolaga i le aiga i lena taimi. … Sa mafai ona [matou] iloa i le ulutala, ae sa matou lagonaina soo se mea lava e uiga i le aiga … o le a o se mea lelei. … Sa matuai lelei o’u faalogona sa i ai sui o le Korama a le Toasefululua sa mauaina faaaliga.”

O le sauniga a le Aualofa i lena Aso Toonai sa iloga i le talafasolopito. Sa folasia e Peresitene Hinckley le folafolaga i le aiga i upu taua nei: “Ona o le tele naua o le poto leaga ua talia o ni mea moni, ma le tele naua o le taufaasese e faatatau i tulaga faatonuina ma tulaga taua, ma le tele naua o mea ua lilifa i ai ma faatosinaga ia talia le pisia faifailemu o le lalolagi, ua matou lagona ai e tatau ona lapata’ia ma muai lapata’ia … ia tulaga faatonuina, o aoaoga faavae autu, ma faiga e faatatau i le aiga ia o loo ta’ua faafia e perofeta, tagatavaai, ma talifaaaliga o lenei Ekalesia i le gasologa atoa o lona talafaasolopito.”

Ona ia faitauina atoa lea o le folafolaga. E pei ona fetalai mai le Faaola, “Pe i lo’u lava leo po o i le leo o a’u auauna, ua tutusa lava.”

O loo faapea mai le folafolaga, “O le aiga ua faauuina e le Atua.” Ou te fiafia i le manino o lena faaupuga. O le folafolaga o se valaau mo i tatou ia ola i le olaga nei, ma ia manatua le paia o i totonu o i tatou, ma le lumanai faavavau o loo taoto i o tatou luma. Na aoao mai Peresitene Nelson: “O outou moni lava o fanau agaga a le Atua. … Aua ne’i e sasi ai: O lou gafatia e paia. Faatasi ai ma lau sailiga filiga, o le a avatu e le Atua ia te oe ni faatepaga o le tagata e mafai ona avea ai oe.”

Ina ua tuuina mai, sa lei ogatasi le folafolaga ma manatu o le toatele i le lalolagi. E le o le taimi lena. E le o le taimi nei. Sa i ai i latou sa faatausuai i le tautinoga i le aiga, faaipoipoga, ma le itupa. Sa fautuaina e nisi le Ekalesia e toe aveeese, toe sasa’a le fafao, pe faataatia ese foi le folafolaga.

O le folafolaga i le aiga, e pei ona ta’ua e Peresitene Hinckley, o le aoaoga faavae autu, o’u uso e ma tuafafine. E le o laa ese ona mataupu faavae ae o loo sagatonu lelei ma ala o le Alii ma Lana ala o le feagaiga. O aoaoga a le folafolaga na faaalia mai e lo tatou Alii o Iesu Keriso i Ana Aposetolo i lena taimi ma le taimi nei. O Lana Ekalesia lenei; sa Ia faatuina upumoni o loo tatou ola ai.

Atonu e i ai nisi o outou o tomanatu i le folafolaga ma faapea, “E le o aoga ia te a’u.” “E foliga mai e le fetaui.” “E le faapena foliga o lo’u aiga.” “E le fetaui ma a’u.”

O i latou o i ai ni atugaluga, ia e iloa o oe o se atalii/afafine o ni matua faalelagi, o se vaega o le aiga o lou Tama Faalelagi. E leai se tasi e sili atu lona iloa o oe pe amanaia loloto oe nai lo Ia. Liliu atu ia te Ia; liligi atu lou loto ia te Ia; talitonu ia te Ia ma Ana folafolaga. E i ai lou aiga i lou Faaola, o Iesu Keriso, o lē e alofa ia te oe. Na afio mai o Ia i le lalolagi e togiola mo a tatou agasala ma tauave le avega o a tatou mea sese ma o tatou aso sili ona leaga. E malamalama o Ia i mea o loo feagai ma oe ma lagonaina. Liliu atu ia te Ia; talitonu o le a Ia auina mai le Agaga Paia e faatasi ma oe, siia’e oe, ma taiala oe. Ia lagona lo La’ua alofa “lea na faamaligiina lava ia i ai i fafo i le loto o le fanauga a tagata; … o le mea sa sili ona manaomia i mea uma … ma le fiafia silisili i le agaga.”

E alolofa tele aposetolo uma a le Alii ia te oe. Matou te tatalo mo oe ma sailia le taitaiga a le Alii mo oe. Tumau ma i matou. Ua outou ola i taimi faigata o le taimi o loo saili ai le fili e fai outou mona. Aua le tata’iesea outou. Ma afai ua tupu lena mea, foi mai. O loo faaloaloa atu o matou lima ia te oe, o le a faapena foi i isi e alolofa ia te oe.

O loo ta’u mai e le folafolaga, “Ua i ai i matua se tiute paia e tausia a latou fanau i le alofa ma le amiotonu.” Ua saunia e le Tusi a Mamona se molimau lona lua o lenei upumoni. I le fuaiupu muamua o le mataupu muamua, tatou te faitau ai, “O a’u o Nifae, na fanaua e ni matua lelei.” E toafia i tatou ua amataina le Tusi a Mamona—ma toe amata, ma toe amata—ma i le faagasologa ua tamau ai na upu i le mafaufau? Ia tamau i le loto.

O se tasi o faamatalaga e sili ona ou fiafia i ai i le folafolaga o lenei: “E maua le fiafia i le olaga faaleaiga, pe a faavae i aoaoga a … Iesu Keriso.”

O ai e le manao ia maua le fiafia?

Ma o a foi aoaoga a Iesu Keriso? Fai mai foi le folafolaga: “Faatuatua, tatalo, salamo, faamagaloga, faaaloalo, alofa, agaalofa, galuega, ma gaoioiga faafiafia lelei.”

O ai se o le a le sili atu lona ola i le faaaogaina o nei mataupu autu? E leai se tasi o i tatou o le a atoatoa; ae e mafai ona tatou mulimuli i upu poto a Peresitene Hinckley, “Fai le mea aupito sili e te mafaia.”

Ua tatou faitau i le folafolaga, “O tamā e pulefaamalumalu i le alofa ma le amiotonu,” ma “o le tiutetauave muamua o tina o le faafailele o a latou fanau.” O le pulefaamalumalu e le faapea e fuaao ai ma o le faafailele e le faapea o se matafaioi lona lua. Ua tuuina e le Atua i alii ma tamaitai matafaioi eseese ae tutusa ma tatau ai e felagolagomai le tasi ma le isi.

Se’i o’u faasoa atu se tala patino.

Sa ma aoaoina ma lo’u toalua ia lelei atu lo ma galulue e avea ma paaga tutusa i le mavae ai o se tasi aso, ina ua ou filifili e fai se faaiuga taua e aunoa ma le feutagai ma ia. O le mea na ou faia na faateia ai o ia, ma sa le manofonofo ai, ma sa tuu ai o ia i se tulaga faigata. Mulimuli ane, sa ia tuu mai ona lima i o’u tauau ma fai mai, “Ron, faamolemole aua nei e toe faia lena mea ia te au.” Ua ma taufai malilie lava i mea talu mai lena taimi.

Tatou te maua i le folafolaga i le aiga: “E ao i tama ma tina ona fesoasoani le tasi i le isi o se paaga tutusa.”

O le tutusa o se upu e taua. I le aluga o tausaga, a o ma galulue faatasi ma Sister Rasband i mea ua faamatala mai e le folafolaga o o tatou “tiutetauave paia,” ua ma faatulagaina ai se faaipoipoga e amo gatasi. A o taitasi ma faaipoipo le ma fanau, o loo faaauau pea ona ma fautuaina ma Sister Rasband i latou ma o latou taitoalua i le ala e avea ai ma paaga tutusa.

Pe a tatou ola ma le manatu tasi i le mamalu o le Atua, tatou te faaaloalo le tasi i le isi ma lagolago le tasi ma le isi. O na mamanu faalelagi o le amiotonu e taitai atu ai i le mausali o o tatou olaga taitoatasi, o tatou aiga, ma i nuu ma alalafaga.

Ua tuuina mai e lo tatou Tama o i le Lagi le folafolaga i le aiga, e fesoasoani e taiala i tatou i le aiga ia te Ia, e fesoasoani ia i tatou e aoao ma faatumuina i le alofa, malosi, faamoemoega, ma le malamalama e faavavau. Faatasi ai ma lo’u agaga atoa, ou te aioi atu ia te outou ia ola latalata ia te Ia ma Lona Alo Pele. Ou te folafola atu a outou faia, o le a musuia oe e le Agaga ma taiala oe ma fesoasoani ia e lagona i lou loto lo Laua filemu na folafola mai e “silisili i lo mea uma e manatu i ai.” I le suafa o Iesu Keriso, amene.