Sesipā C.

15, Lancashire, England

Hangē ko e kakai tokolahi, ʻoku ou fai ha ngaahi fehalaaki lahi. Ka kuó u ako ʻoku ʻikai fiemaʻu ia ke tuʻuloa ʻa e ngaahi angahala mo e fehalaaki ʻokú ke fakahokó. ʻOku ʻi ai ʻa e huhuʻi ʻia Sīsū Kalaisi. Ko e ngaahi huafa ʻo Kalaisi hangē ko e Huhuʻí mo e Fakamoʻuí ʻoku ou saiʻia taha aí. Ko e meʻa lelei ke ʻiloʻi ʻoku ʻi ai ha founga ke tau foki ai pea ʻoku ʻikai fiemaʻu ke tuʻuloa ʻetau ngaahi angahalá mo e fehalākí.

Kuó u ongoʻi foki kuo hoko ʻa e komiunitií ko ha tokoni lahi ʻi heʻeku moʻuí, tautautefito ki he uōtí mo hoku ngaahi kaungāmeʻa ʻi he akó. Kuó u ako mei hoku uōtí ko hai au—kuó ne fakafōtunga au. Pea ko hoku ngaahi kaungāmeʻá ʻoku nau hiki hake au mo tokoni ke u hokohoko atú. ʻOku tokoni e ʻi ai ha kakai ke u feohi mo iá ke u ongoʻi lahi ange ʻa e Laumālié.