Ko e Fili ke Hivá

Tā fakatātā ʻa Katelyn Budge

Naʻá ku fiefia maʻu pē he ʻalu ki he lotú, ka naʻe ʻi ai ha meʻa ʻe taha naʻe ʻikai ke u fuʻu saiʻia ai: ko hono hivaʻi ʻo e ngaahi himí.

Neongo pe ko e hā e lahi hono fakalotolahiʻi au ʻe heʻeku ongomātuʻá, ka naʻe ʻikai pē ke u lava ʻo fai ia. Naʻe aʻu ʻo na hiki hoku hingoá ki he kuaea ʻo e konifelenisi fakasiteikí, mo e ʻamanaki ʻe tokoni. Ka naʻe ʻikai pē ke u hiva—naʻá ku ueʻi pē hoku loungutú ke hangē ʻoku ou hivá.

ʻI he hili iá ne hoko mai leva ha momeniti naʻá ne liliu e meʻa kotoa.

Lolotonga e konifelenisi lahi ʻo ʻEpeleli 2025, ne fakahoko ʻe Palesiteni D. Toti Kulisitofasoni ha lea naʻe ongo moʻoni kiate au. Naʻá ne pehē, “ʻOku tau moihū ʻaki hono hiva ʻo e ngaahi himí (ʻo ʻikai fanongo pē kae hivaʻi ʻa e ngaahi himí).”

Naʻe mahuhuhuhu ʻa e ngaahi lea ko iá ki hoku lotó. Naʻe teʻeki ai ke u teitei fakakaukau kimuʻa ki hono hivaʻi ʻo e ngaahi himí ko ha ngāue ia ʻo e moihuú. Fakafokifā pē, kuó u fakaʻiseʻisa ʻi he ngaahi taimi kotoa ko ia kuó u fili ai ke fakalongolongo kae ʻikai hivá. Naʻá ku fai leva ha tukupā he taimi ko iá—ʻo ʻikai ke hiva pē talu mei ai, ka ke poupouʻi foki mo e niʻihi kehé ke nau hiva, ʻaki hono vahevahe ʻeku aʻusiá.

Naʻe faʻa poupouʻi kimautolu toʻu tupú ʻe heʻemau pīsopé ke mau mamata ʻi he ngaahi lea ʻo e konifelenisi lahí, ʻo pehē te ne tataki kimautolu ʻi heʻemau moʻui fakaʻahó. Naʻe ʻikai mahino moʻoni ia kiate au kae tālunga mo e lea ko ʻení. Kuó u vakai he taimí ni ki he mālohi mo e fakataauutaha ʻo e ngaahi pōpoakí.

Kuo fakamālohia ʻe he aʻusiá ni ʻeku fakamoʻoní. Kuó u ako ʻe lava ʻe ha kiʻi meʻa faingofua hangē ko hono hivaʻi ha himí ʻo ʻomi kitautolu ke tau ofi ange ki he Tamai Hēvaní.