Kuleisi S.

Faitaaʻi ʻe Nathan Reid

Naʻe ʻikai ke u lava ʻo tala ki hoku ngaahi kaungāmeʻá. Naʻá ku fuʻu mā ʻaupito.

Naʻe hanga ʻe heʻeku loto-hohaʻá ʻo ʻai ke u ilifia ke ʻalu ki he ngaahi feituʻu foʻoú pe feʻiloaki mo ha kakai foʻou.

Ka ʻi he hili hono maʻu hoku tāpuaki fakapēteliaké, naʻá ku loto ke fakafepakiʻi ʻeku ongoʻi loto-hohaʻá mo ikuna ʻi he ngaahi founga kotoa pē naʻe talamai ʻe he tāpuakí te u lavaʻí. Naʻá ku kei ongoʻi manavasiʻi, hohaʻa, mo tailiili pē, ko ia ne u lotu leva ki he ʻEikí ke tokoni mai kiate au. Naʻá Ne ʻafioʻi ʻeku fakaʻamu ke lelei angé pea tokoniʻi au ke u fakalakalaka.

ʻOku ou mālohi ange he ʻahó ni ʻi ha toe taimi kimuʻa. Kuo teʻeki ai ikunaʻi kakato ʻa e loto-hohaʻá, ka ʻoku fuʻu fakalaka lahi ʻaupito ia ʻi he meʻa naʻá ku fakakaukau ʻe malavá. ʻOku maʻu ʻe Sīsū Kalaisi ʻa e mālohi ke liliu ʻa e māmaní, ka ʻoku toe fiemaʻu foki ke tau tuku ke Ne liliu kitautolu.

Ki ha taha pē ʻokú ne ongoʻi hangē ʻoku melemó, ʻoku ou poupou atu ke ke fekumi kiate Ia. Sio kiate Ia ʻi he fakakaukau kotoa pē. ʻOku finangalo ʻa e Fakamoʻuí ke tau fakaakeake mei he ngaahi taimi faingataʻá. Te Ne lava ʻo ʻai ke ngali faingofua ange ʻa e ngaahi ʻahiʻahi faingataʻá.