Ko e Loto-toʻa ʻa ha Kuiní

Naʻe fekumi ʻa e tuʻi ʻo Peasiá ki ha kuini foʻou. Naʻá ne manumanumelieʻia ʻi ha finemui ko ʻĒseta peá ne fili ia, ʻo ʻikai ke ne ʻilo ko ha Siu ia.

Kimui ange aí, naʻe fai ʻe he ʻetivaisa ʻa e tuʻí ha tuʻutuʻuni ke tāmateʻi ʻa e kau Siu kotoa pē ʻi he puleʻangá. ʻI he hoko ʻa ʻĒseta ko e kuiní, naʻá ne ʻi ha tuʻunga ke tokoni ke fakahaofi kinautolu, ka naʻá ne manavahē ke kole ki he tuʻí ke liliu ʻa e tuʻutuʻuní. ʻE lava pē ke tautea mate ʻa e hū taʻe fakaafe kiate iá.

Naʻe kole ʻe ʻĒseta ki he kau Siú kotoa ke nau ʻaukai maʻana, pea naʻá ne ʻalu leva ki he tuʻí. Naʻe fanongo ʻa e tuʻi ki heʻene kolé pea fakahaofi ai e moʻui ʻa hono kakaí. Koeʻuhí naʻe faivelenga mo loto-toʻa ʻa ʻĒseta, naʻe lava ai ʻe he ʻOtuá ʻo fakaʻaongaʻi ia ke fakahaofi ʻEne fānaú.