ʻI Loto ʻi Hono Ngaahi ʻAá

Naʻe folofola ʻa e ʻEikí, “Vakai, kuó u tohi tongi koe ʻi hoku ʻaofi nimá; ʻoku ʻi hoku ʻaó maʻu ai pē ʻa hoʻo ngaahi ʻaá” (ʻĪsaia 49:16).

Kuo hanga ʻe he kupuʻi lea kuó u tohi tongi koe ʻi hoku ʻaofi nimá ʻo fakamālohia maʻu pē ʻeku loto-falala ki he feilaulau fakalelei ʻa e Fakamoʻuí. ʻOkú ne fakamanatu mai kiate au ʻa ʻEne finangalo lelei ke tokoniʻi mo fakamoʻui aú. Naʻe tuʻo taha hono fakatupu ʻe he ngaahi lea ʻoku ʻi hoku ʻaó maʻu ai pē ʻa hoʻo ngaahi ʻaá ke u tokanga lahi ange ki he ngaahi ʻā ʻoku ou fokotuʻú—veiveiuá, manavasiʻí, pe angahalá—ʻa ia ʻokú ne taʻofi au mei hono aʻusia kakato ʻEne ʻofá, kae ʻikai tokanga ange ki he Fakamoʻuí Tonu, ʻa ia ʻoku fonu ʻi he ʻofá.

ʻI he taimi naʻe vahevahe mai ai ʻe hoku ʻofefiné ʻa ʻene saiʻia ʻi he potufolofola ko ʻení, naʻe liliu ʻeku fakakaukaú. ʻOkú ne maʻu ʻa e nongá, fiemālié, mo e mālohí ʻi he fakakaukau ko ia ʻoku fokotuʻu ʻe Kalaisi ha ʻā malu maʻatautolu. ʻI heʻene fakakaukaú, naʻe mahino lelei ange ai kiate au ʻa e mālohi ʻo e ngaahi fuakavá. ʻI heʻetau fakahoko mo tauhi kinautolú, ʻoku tau fili ai ke nofo ʻi loto ʻi Hono ngaahi ʻā ʻo e malú, nongá, mo e fakamoʻuí.

Tau tafoki kakato ange muʻa kia Sīsū Kalaisi pea ʻiloʻi ʻa e fiefia mo e malu ʻo e nofo ʻi loto ʻi Hono ngaahi ʻā ʻo e fuakavá.