Toko Taha he Toko Milioná

Tā fakatātā ʻa Katelyn Budge

Ko e toko taha au ʻi ha toko miliona—ʻoku fakamahinoʻi ia ʻe heʻeku fokoutua ʻi ha mahaki ko e Cleidocranial dysplasia.

ʻOku uesia ʻe he Cleiodocranial dysplasia ʻa e tupu ʻo e huí mo e nifó. Kuo fakahoko ha tafa ʻe nima kiate au: ko e tolu ki he ngaofe hoku huituʻá pea ua ki hono fakahangatonu e hui kongalotó.

Naʻe ʻikai mahino kiate au ʻa e ʻuhinga naʻe tuku ai ʻe he Tamai Hēvaní ke u kātakiʻi e mamahi lahi peheé mo faʻa ʻalu tuʻo lahi ki he loki tafá. ʻI heʻeku tafa fakaʻosí, naʻá ku tokoto falemahaki ʻi ha ʻaho ʻe 23, pea naʻe hulutuʻa e mamahí. Neongo e faitoʻó, ka naʻe ʻikai lava ke maʻu ʻe hoku sinó ha fiemālie. Naʻá ku lotu ki he Tamai Hēvaní ke tokoniʻi au.

Naʻá ku maʻu ha ueʻi mei he Laumālie Māʻoniʻoní naʻe hoko ʻeku mamahí ko ha kiʻi fakamanatu ʻo e meʻa naʻe kātekina ʻe Sīsū Kalaisi maʻakú. Naʻe fakafonu au ʻaki ha mālohi naʻe ʻikai ke u tui naʻá ku maʻu ʻi heʻeku fakakaukau ki he ʻofa ʻa Sīsū Kalaisí.

ʻOku ou ʻiloʻi neongo ʻoku ngali faingataʻa ʻa e ngaahi meʻá, ka ʻi ha kiʻi tui mo ha fakamoʻoni mālohi, te tau lava ʻo maʻu ʻa e fiemālié mo e mālohí ʻi heʻetau feinga ke aʻusia e ngaahi taumuʻa ʻoku tau maʻú. ʻOku ʻofa ʻa e ʻOtuá ʻiate au, naʻe foaki ʻe Sīsū Kalaisi ʻEne moʻuí maʻaku, pea ʻokú Ne fakaʻatā ke tau hoko ʻo mālohi ange hili ʻa e aʻusia fakamamahi takitaha.