“Te u lava fēfē ʻo tokanga lahi ange ki he Fakamoʻuí lolotonga e faʻahitaʻu Toetuʻú?”

“ʻOku ou feinga ke tokanga taha ki he Fakamoʻuí ʻaki ʻeku fanongo ki he mūsika ʻoku langaki moʻuí, fakakaukau lahi ange kiate Ia, fekumi kiate Ia ʻi heʻeku moʻui fakaʻahó, mo lotu lahi. ʻOku ou saiʻia foki ke lau e folofolá, ke ako fekauʻaki mo ʻEne Toetuʻú pea mo e ʻamanaki lelei ʻoku ou maʻu mei aí.”

Maxwell R., 16, Mīsuli, USA

“Kumi ha ngaahi potufolofola ke lau fakafāmili fakataha ʻi he ʻaho pe uike takitaha ke fakamanatu atu ʻa e taimi mahuʻinga ko ʻeni ʻo e moʻui ʻa e Fakamoʻuí. Kumi ha ngaahi faingamālie he ʻaho takitaha ke ke tokoniʻi ai e niʻihi kehé ʻi ha ngaahi founga faka-Kalaisi.”

ʻAhonima A., 15, Tongatapu, Tonga

“Te u lava ʻo tokanga lahi ange kia Kalaisi ʻaki hono vahevahe fakaʻaho ha meʻa fekauʻaki mo Ia ʻi he ʻinitanetí.”

Caleb F., 17, ʻAlesona, USA

“Lau ʻa e ngaahi potufolofola ʻoku nau fakahaaʻi ʻEne moʻuí, tautautefito ki he uike fakaʻosi kimuʻa pea Tutuki Iá. Ko e talanoa ʻoku ou saiʻia taha aí ko e Mātiu 21–27. ʻOku tokoni hono lau e folofolá ke u ongoʻi ofi ange ai ki hoku Fakamoʻuí pea mahino lelei ange kiate au ʻEne Fakaleleí.”

Grace M., 15, ʻAlapeta, Kānata

“ʻOku fakamanatu mai kiate au ʻe he Toetuʻú mo e Fakalelei ʻa Sīsū Kalaisí ha ngaahi kamataʻanga foʻou. ʻʻI hono liliu ʻeku ngaahi founga ngāue fakaʻahó mo hono toe vakaiʻi ʻeku ngaahi taumuʻá ʻoku ou maʻu ai ha faingamālie ke u toe tokanga ange kia Kalaisi mo manatu lahi ange kiate Ia ʻi he taimi makehe ko ʻeni ʻo e taʻú.”

Lilly H., 17, Kalefōnia, USA